.gif)
(2).gif)
_(1).gif)
.png)
काठमाण्डौ । जेठ महिनामा देशमा करिब ३ हजार युनिट विद्युतीय सवारी(ईभी) आयात भएको छ । यो संख्या गत वैशाख महिनाको तुलनामा ११३.६७ प्रतिशतले बढी हो । वैशाख महिनामा १ हजार ४०४ युनिट ईभी सवारी साधन आयात भएको थियो ।
सरकारले गत जेठ १५ गते आर्थिक विधेयक मार्फत विद्युतीय सवारी साधनमा १० प्रतिशत कर बढाउने निर्णय गरेको थियो । तर कर बढाउने निर्णयका बाबजुत पनि जेठमा ईभी गाडीको आयातमा उल्लेख्य वृद्धि भएको छ ।
तथ्यांकअनुसार गत साउनमा ११०,भदौमा ७८८, असोजमा १ हजार २३७,कात्तिकमा ६५२,मंसिरमा ८९९,पुसमा १ हजार ४२१,माघमा १ हजार ५२, फागुनमा २७६ र चैतमा ६५८ युनिट ईभी नेपाल भित्रिएका थिए ।
.gif)
चालु आवको ११ महिनासम्म भने कुल ११ हजार ४ सय ६६ युनिट ईभी (कार, जिप, भ्यान) आयात भएका छन् । वैशाखसम्ममा यो संख्या ८ हजार ४९७ थियो । भन्सार विभागको तथ्यांकअनुसार जेठ महिनासम्म कुल ८० अर्ब रुपैयाँबराबरको गाडी आयात भएको छ । यसमध्ये २९ अर्ब रुपैयाँबराबरको ईभी आयात भएको तथ्यांकले देखाएको छ । ईभी गाडीको आयातबाट सरकारले १३ अर्ब ६ करोड रुपैयाँबराबरको राजश्व संकलन गरेको छ ।
सरकारले आर्थिक विधेयक मार्फत इन्ट्री लेभलका ५० किलोवाटसम्मका सवारीमा १० प्रतिशत, ५० देखि १ सय किलोवाटसम्मका ईभीमा १५ प्रतिशत भन्सार महसुलको व्यवस्था गरेको थियो ।
.png)
.jpg)
(7).jpg)
.jpg)
(1).gif)
.gif)
