यी हुन् सन् २०२४ मा सर्वाधिक कमाउने र गुमाउने विश्वका शीर्ष धनाढ्य

काठमाण्डौ । सन् २०२४ विश्वका धनाढ्यका लागि विशेष रह्यो । यो वर्ष धेरैजसो धनाढ्यको सम्पत्तिमा वृद्धि देखिएको छ ।  

यो वर्ष अमेरिकी सेयर बजार एस एण्ड पी५०० २५ प्रतिशतले बढ्यो । यस्तै नास्डक पनि यो वर्ष ३३ प्रतिशतले बढ्यो । यी बजारमा सूचीकृत कम्पनीका मालिकहरुले यो वर्ष राम्रो आर्जन गरेका छन् ।  

ब्लूमबर्ग बिलिनियर्स इ्रन्डेक्सका अनुसार यो वर्ष सबैभन्दा धेरै सम्पत्ति बढेका शीर्ष ५ धनाढ्यको सम्पत्ति एक वर्षको अवधिमा ५४२ अर्ब डलरले बढेको छ । यी सबै ५ जना धनाढ्यहरु टेक सेक्टरका हुन् । एआईको बढ्दो प्रभाव र अमेरिकी निर्वाचनपश्चात यी कम्पनीहरुको सेयरमूल्य नयाँ उचाईमा पुगेका छन् ।  

यी हुन् यो वर्ष सर्वाधिक कमाउने  

एलन मस्कः  

यो वर्ष एलन मस्कको सम्पत्ति झण्डै दोब्बरले बढेको छ । एलन मस्क अमेरिकी राष्ट्रपतिमा निर्वाचित भएपछि मस्कको सम्पत्तिमा व्यापक उछाल आएको छ । हाल उनको सम्पत्ति ४६८ अर्ब बिलियन डलर रहेको छ । निर्वाचनपश्चात मात्रै मस्को सम्पत्ति २०० अर्ब डलरले बढेको छ । समग्रमा यो वर्ष उनको सम्पत्ति २३९ अखर्ब डलरले बढेको छ ।  

टेस्ला र स्पेसएक्सको सेयरमूल्यमा आएको उछालका कारण मस्कको सम्पत्तिमा वृद्धि देखिएको हो ।  

मार्क जुकरबर्ग  

यो वर्ष मार्क जुकरबर्गको सम्पत्ति ८५ अर्ब डलरले बढेको छ । मेटा कम्पनीका सीईओ रहेको जुकरबर्गको कुल सम्पत्ति २१३ अर्ब डलर रहेको छ । मेटामा उनको १३ प्रतिशत स्वामित्व रहेको छ । उनी कम्पनीको सबैभन्दा ठूला व्यत्तिलगत सेयरहोल्डर हुन् ।  

यो वर्ष मेटाको सेयरमूल्य ७० प्रतिशतले बढेको छ ।  

जेनसेन हुवाङ

एनभिडियाका सह–संस्थापक तथा सीईओ जेनसेन हुवाङको सम्पत्ति यो वर्ष मात्रै ७८ अर्ब डलरले बढेको छ । उनको कुल सम्पत्ति १२२ अर्ब डलर रहेको छ ।  

कम्पनीमा उनको ३.५ प्रतिशत स्वामित्व रहेको छ । यो वर्ष एनभिडियाको सेयरमूल्य १७५ प्रतिशतले उकालो लागेको छ । एआई चिप उद्योगको दबदबाका कारण कम्पनीको सेयरमूल्यमा यो वर्ष उछाल देखिएको हो ।  

ल्यारी इलिसन

ल्यारी इलिसनको सम्पत्ति यो वर्ष ७० अर्ब डलरले बढेको छ । कुल १९८ अर्ब डलर सम्पत्तिका मालिक ल्यारी ओर्याकलको संस्थापक र प्रमुख टेक्नोलोजी अफिसर हुन् ।  

यो वर्ष ल्यारीको कम्पनीको सेयरमूल्य ६० प्रतिशतले बढेको छ । ल्यारीसँग टेस्लाको १ प्रतिशत सेयर समेत रहेको छ । जसको बजार मूल्य २० अर्ब डलर रहेको छ ।  

जेफ बेजोस

यो वर्ष जेफ बेजोस ६९ अबं डलरले थप धनी भएका छन् । उनको कुल सम्पत्ति २४६ अर्ब डलर रहेको छ ।  

अमेजनका संस्थापक बेजोसको कम्पनीमा ९ प्रतिशत स्वामित्व रहेको छ । यो वर्ष अमेजनको सेयरमूल्य ४५ प्रतिशतले बढेको छ ।  

सर्वाधिक गुमाउने धनाढ्य

बनार्ड अर्नाल्ड  

लक्जरी कम्पनी एलभीएमएचका सीईओ बनार्ड अर्नाल्डका लागि यो वर्ष सर्वाधिक खराब रह्यो । उनले यो वर्ष ३१ अर्ब डलर गुमाए ।  

यससँगै उनको सम्पत्ति १७६ अर्ब डलरमा सीमित भएको छ । कम्पनीमा उनको ४८ प्रतिशत स्वामित्व रहेको छ ।  

फ्रेनकोइस बेटनकोर्ट मेयर्स

एल ओरियलकी मालिक मेयर्स विश्वकै दोस्रो धनाढ्य महिला हुन् । उनको कुल सम्पत्ति ७५ अर्ब डलर रहेको छ । चीनमा बिक्री प्रभावित भएसँगै कम्पनीले यो वर्ष संघर्ष गुर्न परेको छ । यो वर्ष कम्पनीको सेयरमूल्य २६ प्रतिशतले घटेको छ ।  

जसका कारण मेयर्सको सम्पत्ति २५ अर्ब डलरले घटेको छ ।  

कार्लोस स्लिम

मेक्सिकोका धनाढ्य कार्लोस स्लिमको कुल सम्पत्ति ८२ अर्ब डलर रहेको छ । अमेरिकी टेलिकम्युनिकेशन कम्पनी मोभिलको सेयरमूल्यमा आएको गिरावटका कारण यो वर्ष स्लिमको सम्पत्ति २३ अर्ब डलरले घटेको छ ।  

कोलिन हुवाङ

फेसन कम्पनीका मालिक कोलिनको सम्पत्ति यो वर्ष १भ्७ अर्ब डलरले घटेको छ । यससँगै उनको सम्पत्ति ३५ अर्ब डलरमा सीमित बनेको छ ।  

उनको कम्पनीको सेयरमूल्य यो वर्ष ३० प्रतिशतले घटेको छ ।  

फ्रान्कोइस पिनाउल्ट

लक्जरी ब्राण्डका मालिक फ्रान्कोइस पिनाउल्टको सम्पत्ति पनि यो वर्ष १४ अर्ब डलरले घटेको छ । उनी २२ अर्ब डलरका मालिक हुन् । यो वर्ष उनको कम्पनीको सेयरमूल्य ४० प्रतिशत।ले घटेको छ ।