नयाँ आर्थिक वर्षसँगै ब्रोकरहरू ‘बाइङ मूड’मा, शीर्ष १० मध्ये ८ बाट उच्च खरिद

काठमाण्डौ । नयाँ आर्थिक वर्षको पहिलो कारोबार दिन सेयरबजारमा साढे ४ अर्ब रुपैयाँमाथिको सेयर कारोबार भएको छ । आज सर्वाधिक कारोबार गर्ने टप १० ब्रोकर कम्पनीमा ८ वटा ब्रोकरबाट उच्च खरिद भएको छ भने २ वटा ब्रोकरबाट मात्रै उच्च बिक्री भएको छ ।  

उच्च खरिद गर्ने ब्रोकरहरुमा नासा सेक्युरिटिज, सनि सेक्युरिटिज, भिजन सेक्युरिटिज, अनलाईन सेक्युरिटिज, प्रिमियर सेक्युरिटिज, नबिल स्टक डिलर, आर्यतारा इन्भेष्टमेन्ट एण्ड सेक्युरिटिज र रोडशो सेक्युरिटिज रहेका छन् ।  

त्यस्तै, उच्च बिक्री गर्नेहरुमा भने इम्पेरियल सेक्युरिटिज र त्रिशक्ति सेक्युरिटिज मात्रै रहेका छन् ।  

आज सर्वाधिक कारोबार गर्ने ब्रोकरमा नासा सेक्युरिटिज रहेको छ । उक्त ब्रोकरबाट आज मात्रै ६८ करोड रुपैयाँमाथिको सेयर कारोबार भएको छ । जसमा ५७.४७ प्रतिशत सेयर खरिद भएको छ भने ४२.५३ प्रतिशत सेयर बिक्री भएको छ ।  

नयाँ आर्थिक वर्ष सुरु भएलगत्तै ब्रोकरहरुले धमाधम सेयर किन्न सुरु गरेका छन् । असार मसान्तको दबाबले ब्रोकर कम्पनीहरुले हिसाबमिलान गर्दा सेयर खरिद गरेका थिएनन् ।