.gif)
(2).gif)
_(1).gif)
.png)
काठमाण्डौ । क्रिप्टोकरेन्सीे बिटक्वाइनको मूल्य २ वर्षको अन्तरालमा पहिलोपटक ५७ हजार डलर पुगेको छ । यसअघि बिटक्वाइनको मूल्यले सन् २०२१ मा ६९ हजार डलरको आँकडा पार गरेको थियो ।
मंगलबार बिहान बिटक्वाइनको सेयरमूल्यमा वृद्धि भएको थियो र यसको मूल्य ५७ हजार ३९ डलर पुगेको थियो । तथापी केहि समयपछि यसको मूल्यमा केहि गिरावट आएको थियो ।
यो वर्ष बिटक्वाइनको मूल्य ३० प्रतिशतले वृद्धि भईसकेको छ । एक वर्षको अवधिमा भने बिटक्वाइनको मूल्य १३७.१९ प्रतिशतले वृद्धि भएको छ ।
.gif)
सोमबार अमेरिकामा क्रिप्टोसँग सम्बन्धीत कम्पनीहरुको सेयरमूल्यमा तीव्रता आएको थियो ।
गत जनवरी ११ मा कारोबारको क्रममा बिटक्वाइन एक्सचेञ्ज ट्रेडेड फण्ड(ईटीएफ)मा करीब ५.६ अर्ब डलरको लगानी भएको थियो ।
क्रिप्टो करेन्सी अनलाइन भुक्तानीको साधन हो । यसको प्रयोग वस्तु तथा सेवाको भुक्तानी गर्नका लागि गर्ने गरिन्छ । क्रिप्टो करेन्सी नेटवर्कमा आधारित करेन्सी हो । यसलाई कम्पनी वा अन्य जो कोहि व्यक्तिले टोकनका रुपमा जारी गर्न सक्छन् । यी टोकनहरुको प्रयोग जारी गर्ने कम्पनीहरुको वस्तु तथा सेवा खरिद गर्नका लागि हुने गर्छ ।
यसलाई कुनै देशको मुद्राको जस्तै नियन्त्रण गर्न भने सकिदैन । यसको सम्पूर्ण सञ्चालन अनलाइन हुने गर्छ । जसका कारण यसमा उचारचढाव आईरहन्छ । विश्वको सबैभन्दा पहिलो क्रिप्टोकरेन्सी बिटक्वाइनलाई ओपन सोर्स सफ्टवेयरको रुपमा रिलिज गरिएको थियो । यसलाई बनाउने समूहलाई सातोशी नाकामोतोको नामबाट चिनिने गरिन्छ ।
.png)
.jpg)
.jpg)
(1).gif)
.gif)
