(1).gif)
(2).gif)
काठमाण्डौं । प्रधानमन्त्री बालेन्द्र शाहको अभिव्यक्तिलाई लिएर सत्ता र विपक्षबीच देखिएको टकराव तत्काल समाधान हुन नसकेपछि प्रतिनिधिसभाको बैठक मंगलबारसम्मका लागि स्थगित गरिएको छ।
लगातारको अवरोधका कारण सदनको कार्यसूची अघि बढ्न नसकेपछि सभामुख डोलप्रसाद अर्यालले बैठक मंगलबार दिउँसो १ बजे बस्ने गरी स्थगित गरेका हुन्।
(2).gif)
.gif)
(1).gif)
सोमबारको बैठक निर्धारित समयभन्दा ढिला शुरु भएको थियो।
दलहरूबीच सहमति खोज्ने प्रयासस्वरूप पहिलो चरणमा बैठक १५ मिनेटका लागि स्थगित गरिएको थियो।
तर, त्यसपछि पुनः शुरु भएको बैठकमा पनि विपक्षी दलका सांसदहरूले आफ्नो विरोध कायम राखे।
बैठक शुरु हुनासाथ विपक्षी सांसदहरू आ–आफ्नो स्थानबाट उठेर विरोधमा उत्रिएका थिए।
उनीहरूले प्रधानमन्त्री शाहले आइतबार प्रतिनिधिसभाको प्रश्नोत्तर कार्यक्रममा दिएको विवादास्पद अभिव्यक्ति संसद्को अभिलेखबाट हटाउनुपर्ने, प्रधानमन्त्रीले सदनमा उपस्थित भएर स्पष्टिकरण दिनुपर्ने तथा माफी माग्नुपर्ने माग दोहोर्याएका थिए।
सदन सञ्चालनको प्रयास गर्दै सभामुख अर्यालले संसद् कानून निर्माण गर्ने सर्वोच्च लोकतान्त्रिक थलो भएकाले सांसदहरूलाई संसदीय प्रक्रियामा फर्किएर सहयोग गर्न आग्रह गरेका थिए।
.gif)
(1).gif)
उनले बजेटमाथिको छलफललगायत महत्वपूर्ण कार्यसूची प्रभावित नपार्न विपक्षी दलहरूलाई लचकता अपनाउन अनुरोध गरेका थिए।
तर, विपक्षी दलहरू आफ्नो अडानबाट पछि हटेनन्।
उनीहरूले प्रधानमन्त्रीको अभिव्यक्तिलाई राष्ट्रिय हित, राष्ट्रिय स्वाभिमान तथा नेपालको स्थापित सीमा सम्बन्धी अडानसँग जोडिएको संवेदनशील विषय भएको भन्दै त्यसमा सरकारको औपचारिक धारणा आउनुपर्ने माग गरेका छन्।
लगातारको विरोध र नाराबाजीका कारण सदनको नियमित कार्यवाही अघि बढ्न नसकेपछि सभामुखले अन्ततः बैठक मंगलबारसम्मका लागि स्थगित गर्ने घोषणा गरेका हुन्।
.jpg)
.jpg)
