(2).gif)
.png)
काठमाण्डौ । प्रधानमन्त्री बालेन्द्र शाह (बालेन) र राष्ट्रिय स्वतन्त्र पार्टी (रास्वपा)का सभापति रवि लामिछाने प्रतिनिधिसभाको बैठकमा करिब २० मिनेट सहभागी भएर बाहिरिएका छन्।
प्रधानमन्त्री बालेन र सभापति लामिछाने दिउँसो १ बजेर ३७ मिनेटमा एकसाथ प्रतिनिधिसभा बैठक कक्षमा प्रवेश गरेका थिए। उनीहरू करिब २० मिनेट बैठकमा बसेपछि बाहिरिएका हुन्।
प्रतिनिधिसभाको बैठकमा सहभागी हुनुअघि प्रधानमन्त्री बालेनले सभामुख डोलप्रसाद अर्यालसँग संसद् भवनस्थित कार्यकक्षमा करिब पाँच मिनेट छलफल गरेका थिए।
प्रधानमन्त्री बालेन बैठकमा सहभागी हुने विषय यसअघि सार्वजनिक गरिएको थिएन। उनी र रास्वपा सभापति लामिछाने एकसाथ संसद् भवन पुगेपछि राजनीतिक वृत्तमा चासो बढेको थियो।
.png)
.jpg)
