.gif)
(2).gif)
.png)
_(1).gif)
.png)
काठमाण्डौ। लाइफ इन्स्योरेन्स कर्पोरेशन(नेपाल) लिमिटेड(एलआईसी)ले वार्षिक साधारण सभा डाकेको छ । असार ४ गते बसेको कम्पनीको सञ्चालक समितिको बैठकले २३ औं वार्षिक साधारण सभा डाकेको हो ।
उक्त सभा यही असार ३० गते ललितपुरको जावलाखेलमा रहेको नेपाल प्रशासनिक प्रशिक्षण प्रतिष्ठानमा बिहान १० बजेबाट सुरु हुनेछ ।
सभामा सेयरधनीहरुलाई प्रस्तावित १० प्रतिशत बोनस सेयर र कर प्रयोजनका लागि ०.५२६३१६७९० नगद लाभांश पारित गरिनेछ । यस्तै बोनस सेयर जारीपश्चात कम्पनीको अधिकृत,जारी तथा चुक्तापूँजी वृद्धि हुने हुँदा सोही बमोजिम कम्पनीको प्रवन्धपत्र तथा नियमावलीमा आवश्यक संशोधन गर्ने प्रस्ताव समेत पारित गरिनेछ ।
.gif)
सभामा कम्पनीको सञ्चालक समितिको तर्फबाट अध्यक्षद्वारा प्रस्तुत गरिने आर्थिक वर्ष २०८०/८१ को वार्षिक प्रतिवेदनमाथि छलफल गरी पारित गरिनेछ। यसैगरी लेखापरीक्षकको प्रतिवेदन सहितको आव २०८०/८१ को वासलात ,नाफा नोक्सान हिसाब, तथा नगद प्रवाह विवरणमाथि छलफल गरी पारित गरिनुका साथै चालु आव २०८१/८२ को लेखापरीक्षणका लागि लेखापरीक्षको नियुक्ती तथा निजको पारिश्रमिक निर्धारण गर्ने प्रस्ताव पारित गरिनेछ।
सभामा सर्वसाधारण सेयरधनी समूह ख बाट १ जना सञ्चालकको निर्वाचन गर्ने र संस्थापक सेयरधनी समूहबाट नियुक्त सञ्चालकहरुको नियुक्तीलाई अनुमोदन गरिनेछ ।
साधारण सभा प्रयोजनको लागि कम्पनीले आगामी असार १६ गते एक दिनका लागि बुक क्लोज गर्ने निर्णय गरेको छ । यसर्थ असार १५ गतेसम्म नेप्सेमा कारोबार भई कायम भएका सेयरधनीहरु मात्रै कम्पनीको प्रस्तावित लाभांश पाउन र सभामा सहभागी हुन योग्य हुनेछन् ।
.png)
.png)
(1).png)
(4).png)
.jpg)
(1).gif)
.gif)
