(1).gif)
(2).gif)
.jpg)
(1).gif)
.png)
काठमाण्डौ । लगानीकर्ताहरुले आफ्नो स्वामित्वमा रहेको सेयर धितो राखेर १ खर्ब भन्दा बढीको कर्जा लिएका छन् । नेपाल राष्ट्र बैंकका अनुसार चालु आवको ११ महिनासम्ममा बैंक वित्तीय संस्थाबाट १ खर्ब २८ अर्ब ६७ करोड रुपैयाँ बराबरको सेयर धितो कर्जा प्रवाह भएको छ ।
यस्तो कर्जा प्रवाह गत आवको सोही अवधिसम्मको तुलनामा ४७।७१ प्रतिशतले बृृद्धि भएको छ । गत आवको ११ महिनासम्ममा बैंक तथा वित्तीय संस्थाबाट ८७ अर्ब ११ करोड २७ लाख रुपैयाँ बराबरको सेयर धितो कर्जा प्रवाह भएको थियो ।
.gif)
गत आवको अन्त्यसम्ममा भने लगानीकर्ताहरुले बैंक र फाइनान्स कम्पनीहरुबाट ९० अर्ब ९ करोड ३२ लाख रुपैयाँ बराबरको सेयर धितो कर्जा लिएका थिए । यस हिसाबमा ११ महिनासम्ममा यस्तो कर्जा ४२.८२ प्रतिशतले बृद्धि भएको छ ।
राष्ट्र बैंकका अनुसार ११ महिनासम्ममा एक करोड रुपैयाँ भन्दा बढीको ८८ अर्ब ४२ करोड रुपैयाँको सेयर धितो कर्जा प्रवाह भएको छ । यस्तो प्रकारको कर्जा ११ महिनासम्ममा ५८.०९ प्रतिशतले बढेको छ ।
त्यस्तै, ५० लाख रुपैयाँदेखि एक करोड रुपैयाँसम्मको १५ अर्ब ३० करोड रुपैयाँ बराबरको कर्जा प्रवाह भएको छ । यस्तो कर्जा जेठ मसान्तसम्ममा २३.११ प्रतिशतले बढेको छ । गत आवको अन्त्यसम्म ५० लाख रुपैयाँदेखि एक करोड रुपैयाँसम्मको कर्जामा १२ अर्ब ४२ करोड रुपैयाँ बराबरको कर्जा प्रवाह भएको थियो ।
यसका साथै २५ देखि ५० लाख रुपैयाँसम्मको कर्जामा १६ अर्ब ८७ करोड ५० लाख रुपैयाँ बराबरको सेयर धितो कर्जा प्रवाह भएको छ भने २५ लाख भन्दा थोरै कर्जामा ८ अर्ब ७ करोड ५१ लाख रुपैयाँ बराबरको कर्जा प्रवाह भएको छ ।
.png)
(203).jpg)
.jpg)
.jpg)
.gif)
