भदौ ३ देखि सुरु हुने १६औं संस्करणको 'नाडा अटो शो'मा आधुनिक रोबोटदेखि पुराना विन्टेज गाडीको प्रदर्शनी

काठमाण्डौ । नेपालको अटोमोबाइल क्षेत्रको सबैभन्दा ठूलो तथा प्रतिक्षित प्रदर्शनी "नाडा अटो शो २०२५" यही भदौ ३ गतेदेखि ८ गतेसम्म राजधानीको भृकुटीमण्डप प्रदर्शनी स्थलमा भव्य रूपमा आयोजना हुँदैछ।

नाडा अटोमोबाइल्स एसोसिएसन अफ नेपालको आयोजनामा हुने यस प्रदर्शनीको उद्घाटन उपप्रधानमन्त्री तथा अर्थमन्त्री विष्णु प्रसाद पौडेलले गर्ने कार्यक्रम रहेको छ। ‘Go For More’ भन्ने नारासहित हुने यस वर्षको अटो शो नेपालको दिगो, स्मार्ट र भविष्यमुखी मोबिलिटीको उज्यालो झलक दिन तयार छ।

भविष्यका सवारी र प्रविधिको संगम

नाडा अटो शो २०२५ मा UNITREE को प्रस्तुति रहनेछ, जसअन्तर्गत नेपालमा पहिलोपटक देखिने उन्नत चारपांग्रे रोबोट र Deepal VTOL UAV (शहरी हवाई मोबिलिटी) जस्ता अत्याधुनिक प्रविधिहरू प्रदर्शित हुनेछन्।

यसबाहेक, नयाँ–नयाँ मोडेलका सवारीसाधनदेखि लिएर अटो पार्ट्स, टायर, ब्याट्री, ग्यारेज उपकरण, तथा वित्तीय सेवासम्मका उत्पादन तथा सेवा प्रदायक कम्पनीहरूको सहभागिता रहनेछ।

तथ्यमा आधारित ऐतिहासिक महोत्सव

नाडा अटो शो २०२५ मा सहभागी हुने ब्रान्ड र कम्पनीहरूको तथ्यांक निम्नानुसार रहेको छ:

-१९ वटा चारपांग्रे सवारी ब्रान्डहरू

-१३ वटा हल्का व्यावसायिक सवारी ब्रान्डहरू

-४ वटा दुईपांग्रे सवारी ब्रान्डहरू

-३५ वटा अटो पार्ट्स, टायर, ब्याट्री, लुब्रिकेन्ट, ग्यारेज उपकरण र वित्तीय सेवा कम्पनीहरू

-१२५ भन्दा बढी प्रदर्शक कम्पनीहरू

-१ लाखभन्दा बढी दर्शकको उपस्थिति अपेक्षित

-३ लाख वर्गफुट क्षेत्रफलमा १,६२,५०० वर्गफुट प्रदर्शनी क्षेत्र

यो प्रदर्शन नेपालमै अहिलेसम्मकै सबैभन्दा ठूलो अटो शो हुने आयोजकहरूको दाबी छ।

सशक्त साझेदारी र व्यवस्थापन

कार्यक्रमलाई सफल बनाउन विभिन्न प्रतिष्ठित संस्थाहरूले समर्थन गरेका छन्:

Title Sponsor: UNITREE (MAW Vriddhi)

Co-Sponsor: Shikhar Insurance

Powered By: Campa Cola

Mobility Partner: Yango

Ticketing Partner: Khalti by IME (प्रि-बुकिङमा २०% क्यासब्याक)

Internet Partner: WorldLink

Surveillance Partner: CCTV Nepal

Fire Safety: Himalayan Safety Solutions

Hospital Partner: Kist Hospital

Hospitality Partner: The Plaza

Door Prize Sponsor: Nepal Lube Oil Ltd. (१२ जना भाग्यशाली विजेतालाई १ वर्षको निःशुल्क ल्युब्रिकेन्ट सेवा)

Event Management: GEMS (Global Exposition & Management Services Pvt. Ltd.)

दर्शकका लागि विशेष व्यवस्था

दर्शकहरूको सहजता र सुरक्षालाई ध्यानमा राखेर विभिन्न व्यवस्थाहरू गरिएको छ:

-चारपांग्रे, दुईपांग्रे, व्यावसायिक सवारी, अटो पार्ट्स, र वित्तीय सेवाका लागि अलग-अलग जोन

-Khalti एपमार्फत टिकटको अग्रिम बुकिङ

-मिडिया डेस्क तथा ट्राफिक सूचना डेस्क

-आपतकालीन स्वास्थ्य सेवा, सुरक्षा निगरानी, र आगो नियन्त्रण व्यवस्था

कार्यक्रमका प्रमुख आकर्षण

-विन्टेज मोटर शो: Morris Minor, Beetle, Mini Cooper, Mercedes Benz, Toyota RT40, VW Bus, Mazda Familia, Toyota MR2 आदि पुराना ऐतिहासिक सवारीहरूको झलक

Made in Nepal Pavilion: नेपालमै निर्मित सवारी र अटो पार्ट्सको प्रदर्शनी

International Business Pavilion: अन्तर्राष्ट्रिय लगानी र सहकार्यको अवसर

सेमिनार, कार्यशाला र अन्तरक्रिया कार्यक्रम: EV, स्मार्ट मोबिलिटी, र दिगोपनमा केन्द्रित

Daily Lucky Draw: Nepal Lube Oil द्वारा प्रायोजित १२ भाग्यशाली विजेतालाई एक वर्षको निःशुल्क ल्युब्रिकेन्ट सेवा

आयोजकको भनाइ

नाडा अटोमोबाइल्स एसोसिएसनका एक पदाधिकारीले भने, “यस प्रदर्शनीले नेपाली अटो उद्योगमा नवप्रवर्तन र प्रविधिको नयाँ अध्याय सुरु गर्नेछ। उपभोक्तादेखि व्यवसायी र लगानीकर्तासम्मका लागि यो शो अवसरले भरिएको छ।”