(2).gif)
.jpg)
.png)
काठमाण्डौ । देशभरका मालपोत कार्यालयहरूले गत माघ महिनामा रु. ५ अर्ब ९ लाख २४ हजार राजस्व संकलन गरेका छन्। अघिल्लो महिना पुसमा रु ५ अर्ब १७ करोड ३२ लाख उठेको तुलनामा माघमा राजस्व संकलनमा सामान्य गिरावट देखिएको हो। लिखत पारितको संख्या भने बढेको तथ्यले घरजग्गा कारोबारको संरचना र मूल्यगत प्रवृत्तिमा परिवर्तन भएको संकेत गरेको छ।
भूमि व्यवस्थापन तथा अभिलेख विभागका अनुसार माघ महिनामा कुल ५० हजार ८३७ लिखत पारित भएका छन्, जुन अघिल्लो वर्षको सोही अवधिको तुलनामा केही वृद्धि हो।
राजस्व संरचनातर्फ हेर्दा रजिस्ट्रेसन दस्तुरबाट सबैभन्दा बढी रु २ अर्ब ६८ करोड ६९ लाख ४२ हजार ५३२ संकलन भएको छ। त्यस्तै, पुँजीगत लाभकरबापत रु १ अर्ब ९६ करोड ५५ लाख १२ हजार २६७ र सेवा करबापत रु ३१ करोड ५८ लाख ७२ हजार ४८८ उठेको विभागले जनाएको छ।
.png)
.jpg)
