प्रत्यक्षतर्फको मतगणना सम्पन्न, रास्वपाले १२५ सिट ल्याउँदा अन्य दलको कति ?

काठमाण्डौ । प्रतिनिधिसभा निवार्चनको प्रत्यक्षतर्फको १६५ वटै क्षेत्रको निर्वाचन परिणाम सार्वजनिक गरेको छ ।

निर्वाचन आयोगका अनुसार प्रत्यक्ष तर्फ रास्वपाले १२५, नेपाली कांग्रेसले १८, एमालेले ९, नेकपाले ८, श्रम संस्कृति पार्टीले ३ र राष्ट्रिय प्रजातन्त्र पार्टीले १ सिट जितेको छ । साथै म्याग्दीबाट स्वतन्त्र उम्मेदवारी दिएका महावीर पुन निर्वाचित भए ।

सबैभन्दा अन्तिममा संखुवासभाको मत परिणाम सोमबार राति सार्वजनिक भएको हो । जसमा नेकपा एमालेका अर्जुनकुमार कार्कीले राष्ट्रिय स्वतन्त्र पार्टी(रास्वपा)का मिङ्मा शेर्पालाई पराजित गरेपछि प्रत्यक्षतर्फको मतगणना सकिएको हो ।

२७५ जना प्रतिनिधि सभा सदस्य चयनका लागि फागुन २१ गते देशभरी मतदान भएको थियो ।