सेबोनको कारबाहीमा परे तीन ब्रोकर, रु.५० लाखसम्मको जरिवाना

काठमाण्डौ । नेपाल धितोपत्र बोर्ड (सेबोन)ले तीन ब्रोकर कम्पनीलाई कारबाही गरेको छ ।  

सेबोनले सिप्ला सेक्युरिटिज, श्रीकृष्ण सेक्युरिटिज र हातेमालो फाइनान्सियल सर्भिसेजलाई सम्पत्ति शुद्धीकरण सम्बन्धि कानून उल्लंघन गरेको भन्दै कारबाही गरेको हो ।  

तीनवटै ब्रोकर कम्पनीलाई जरिवाना तिराएको सेबोनले जनाएको छ । सेबोनका अनुसार सिप्ला सेक्युुरिटिजलाई ५० लाख रुपैयाँ र श्रीकृष्ण सेक्युरिटिज र हातेमालो फाइनान्सियल सर्भिसेजलाई ३०–३० लाख रुपैयाँ जरिवाना भराएको हो ।  

सम्पत्ति शुद्धीकरण निवारण ऐनमा ग्राहकको पहिचान गर्दा सहि तथा सो को सम्पुष्टि भरपर्दो स्रोतबाट प्राप्त कागजात, तथ्यांक वा जानकारीका आधारमा गर्नुपर्ने प्रावधान छ ।  

तर उक्त ब्रोकर कम्पनीहरुले ग्राहकको खाता खोल्दा सो कुरा उल्लंघन गरेको पाइएको भन्दै जरिवाना तिराएको सेबोनले जनाएको छ ।