काठमाण्डौका पूर्व प्रमुख जिल्ला अधिकारी छवि रिजाल पक्राउ

काठमाण्डौ । काठमाडौंका पूर्व प्रमुख जिल्ला अधिकारी छवि रिजाललाई प्रहरीले नियन्त्रणमा लिएको छ । अपराध अनुसन्धान कार्यालयको टोलीले उनलाई पक्राउ गरेको हो ।

रिजाल जेनजी आन्दोलनका समयमा काठमाडौंका सीडीओको जिम्मेवारीमा रहेका थिए । भदौ २३ र २४ गते भएको उक्त आन्दोलनमा बल प्रयोग गरेर दमन गरेको आरोप उनीमाथि लगाइएको छ ।

आन्दोलनमा भएको दमनपछि उनी एक महिना नपुग्दै सीडीओ पदबाट हटाइएका थिए । गौरीबहादुर कार्की नेतृत्वको छानबिन समितिले रिजालविरुद्ध कारबाही गर्न सिफारिस गरेको थियो ।  

सोही सिफारिसका आधारमा पूर्वप्रधानमन्त्री तथा एमाले अध्यक्ष केपी शर्मा ओली र पूर्व गृहमन्त्री रमेश लेखकलाई पनि यसअघि नै पक्राउ गरिसकिएको छ ।