(1).gif)
(2).gif)
काठमाण्डौ । बागमती प्रदेश सरकारले आगामी आर्थिक वर्ष २०८३/८४ का लागि अति विपन्न परिवारको आवास निर्माण कार्यक्रमलाई प्राथमिकता दिँदै २० करोड रुपैयाँ बजेट विनियोजन गरेको छ।
सोमबार प्रदेश सभामा आगामी वर्षको बजेट प्रस्तुत गर्दै आर्थिक मामिला तथा योजना मन्त्री प्रभात तामाङले प्रदेशभरका १ हजार अति विपन्न परिवारका लागि सुरक्षित आवास निर्माण गर्न उक्त बजेट छुट्याइएको जानकारी दिए।
(2).gif)
.gif)
(1).gif)
मन्त्री तामाङका अनुसार यो कार्यक्रमले आवासविहीन तथा अत्यन्त कमजोर आर्थिक अवस्थाका परिवारलाई स्थायी बसोबासको सुनिश्चितता दिलाउने लक्ष्य लिएको छ।
प्रदेश सरकारले सामाजिक सुरक्षालाई सुदृढ बनाउँदै गरिब तथा विपन्न वर्गको जीवनस्तर सुधार गर्ने उद्देश्यका साथ यस्तो कार्यक्रम अघि सारेको हो।
आगामी बजेटमा सामाजिक विकास, गरिबी न्यूनीकरण र आधारभूत सेवामा पहुँच विस्तारलाई विशेष प्राथमिकतामा राखिएको बताइएको छ।
.gif)
(1).gif)
विपन्न परिवारको घर निर्माण कार्यक्रमले ग्रामीण तथा दुर्गम क्षेत्रका नागरिकलाई प्रत्यक्ष लाभ पुग्ने अपेक्षा गरिएको छ।
प्रदेश सरकारका अनुसार सुरक्षित आवास उपलब्ध गराउनु सामाजिक न्याय र समावेशी विकासको महत्वपूर्ण आधार भएकाले यस कार्यक्रमलाई प्रभावकारी रूपमा कार्यान्वयन गरिनेछ।
बागमती प्रदेशको आगामी आर्थिक वर्षको बजेट भाषण जारी रहेको छ, जसमा अन्य विकास प्राथमिकता, क्षेत्रगत कार्यक्रम तथा आर्थिक योजनाहरू क्रमशः सार्वजनिक गरिँदै छन्।
.jpg)
