खुद बीमाशुल्कसँगै बढ्यो हिमालयन रि इन्स्योरेन्स नाफा, रिटेन्ड अर्निङ ५६.४३ करोड

काठमाण्डौ । हिमालयन रि इन्स्योरेन्स कम्पनी लिमिटेडको खुद बीमाशुल्क आर्जन बढेसँगै नाफा समेत बढेको छ । कम्पनीले चालु आवको पहिलो त्रैमाससम्म ९२ करोड ४४ लाख रुपैयाँ खुद नाफा आर्जन गरेको छ । जुन गत आवको सोहीअवधिको तुलनामा १०.९५ प्रतिशतले बढी हो । अघिल्लो आवको पहिलो त्रैमाससम्म कम्पनीले ८३ करोड ३२ लाख रुपैयाँ खुद बीमाशुल्क आर्जन गरेको थियो ।  

कम्पनीको खुद नाफा पनि २९.२२ प्रतिशतले वृद्धि भएको छ । कम्पनीले समीक्षा अवधिसम्म २२ करोड ६३ लाख रुपैयाँ खुद नाफा आर्जन गरेको छ । अघिल्लो आवको सोही अवधिमा यो रकम १७ करोड ५२ लाख रुपैयाँमा सीमित थियो ।  

यो अवधिमा कम्पनीको खर्च भने बढेको छ । कम्पनीले समीक्षा अवधिसम्म ८८ करोड ७१ लाख रुपैयाँबराबरको कुल खर्च गरेको छ । जुन अघिल्लो आवको ७६ करोड ४३ लाखको तुलनामा १५.५९ प्रतिशतले बढी हो । कम्पनीले यो अवधिसम्म ४९ करोड ७२ लाख रुपैयाँ खुद दाबी भुक्तानी गरेको छ । अघिल्लो आवमा भने कम्पनीले ४३ करोड ७२ लाख रुपैयाँबराबरको खुद दाबी भुक्तानी गरेको थियो ।  

कम्पनीले १ अर्ब २४ करोड रुपैयाँबराबरको कुल आम्दानी गरेको छ । कम्पनीको महावित्तपी कोषको आकार १ अर्ब ३० करोड रुपैयाँबराबर रहेको छ ।  

त्यस्तै कम्पनीको रिटेन्ड अर्निङको आकार पनि ५६ करोड ४३ लाखबाट बढेर ८१ करोड ९५ लाख रुपैयाँ पुगेको छ ।  

समीक्षा अवधिसम्म कम्पनीको प्रतिसेयर आम्दानी(ईपीएस) ८.६५ रुपैयाँ, प्रतिसेयर नेटवर्थ १५९.१६ रुपैयाँ र पीई अनुपात १०३.५६ गुणा कायम भएको छ ।