(2).gif)
.png)
.png)
काठमाण्डौ । आज नेप्से परिसूचकमा सकारात्मक सर्किट लागेर सेयर बजार निर्धारित समयअगावै बन्द भयो । ६ प्रतिशतको सकरात्मक सर्किट लाग्दा बजारमा जम्मा ३७ करोड ५२ लाखको काराबार भयो ।
आज नेप्से करिब ११८ अंकले बढेको छ । प्राविधिक रुपमा आजको बजारलाई नियाल्दा बुलिस मारुबुजु क्याण्डल बनेको छ । यो सँगै बोलिङगर ब्याण्ड मार्फत नियाल्दा आज बजारले मध्य ब्यान्डलाई ब्रेक गरेर माथि गएको छ । यो सँगै यस अघि बनेका १३ वटा क्याण्डललाई ढाक्दै नेप्सेमा आज बुलिस क्याण्डल बनेको छ । म्याक्डीमा करिब बुलिस क्रसओभर बन्दै गरेको देखिन्छ । हिस्टोग्राम नेगेटिभ भएता पनि छोटा–छोटा बनेका छन् ।
(2).gif)
.gif)
(1).gif)
आरएसआईमा ओभर सोल्ड जोनमा डब्लु आकार बनाएर ५० भन्दा माथि बन्द भएको छ । समग्रमा तीन वटै इन्डिकेटरबाट हेर्दा बजारले लामो समय पछि आज खरिद कन्फरमेसन दिएको छ । बजारले यस अघिको करिब २०२५ को प्रतिरोधलाई पनि ब्रेक गरेर माथि लागेको छ । आज १ सय भन्दा बढी अंकले बढेको बजारमा यदि आगामी कारोबारमा करेक्सन आउँछ भने त्यो मध्य ब्याण्ड अर्थात २०४० भन्दा माथि–माथि टिकेर कारोबार भएको खण्डमा बजारले माथिको यात्रा तय गर्न सक्छ ।
यस अघि माघ ३ गते अपर ब्याण्डमा शुटिङ स्टार बनाएर खसेको बजारले आज पहिलो पल्ट तल्लो ब्याण्डमा बुलिस पिनबार बनाएर प्राविधिक रुपमा खरिद कन्फरमेसन दिएको हो ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
.gif)
(1).gif)
.png)
.jpg)
(1).png)
.jpg)
