मुकेश अम्बानीले गरे पाकिस्तानविरुद्ध भारतीय सेनाको आक्रमणको प्रशंसा

काठमाण्डौ । रिलायन्स इन्डस्ट्रिजका अध्यक्ष मुकेश अम्बानीले पाकिस्तानविरुद्ध भारतीय सेनाको ‘अपरेशन सिन्दूर’को प्रशंसा गरेका छन् । अम्बानीले भारतीय सैनिकको प्रशंसा गर्दै आतंकवादविरुद्ध भारत एकजुट रहेको बताएका छन् ।

अम्बानीले भने, ‘हामी सँगै आतंकवादको सामना गर्नेछौं।’ आफ्नो बयानमा अम्बानीले प्रधानमन्त्री नरेन्द्र मोदीको नाम पनि उल्लेख गरेका छन् । उनले लेखेका छन्, ‘प्रधानमन्त्री मोदीको नेतृत्वमा भारतीय सेनाले सीमापारबाट हुने हरेक कारवाहीको जवाफ दिएको छ ।’

अम्बानीले प्रधानमन्त्री मोदीको नेतृत्वले आतंकवादको विरुद्धमा भारत कहिल्यै चुप नबस्ने देखाएको बताए। ‘हामी हाम्रो माटो, हाम्रा नागरिकहरू र हाम्रो देशको रक्षा गर्ने बहादुर सिपाहीहरूमाथि एक आक्रमण पनि सहने छैनौं,’ उनले भने ।