.gif)
(2).gif)
_(1).gif)
.png)
काठमाण्डौ । मेटा कम्पनीका सामाजिक सञ्जाल प्लेटफर्महरुमा एकाएक समस्या देखिएको छ ।
विशेष गरी फेसबुक, इन्स्टाग्राम लगायतका सामाजिक सञ्जालहरुमा एकाएक समस्या देखिएको हो । लगइन भइरहेका अकाउण्टहरु एकाएक लगआउट हुने, पासवर्ड हाल्दा समेत पासवर्ड नमिलेको वा अन्य केही समस्या भएको म्यासेज आउने समस्या विश्वका लाखौं प्रयोगकर्ताहरुले भोगेका मिडिया रिपोर्टहरुमा जनाइएको छ ।
.gif)
आउटेज ट्याकर डाउनडिटेक्टरमा मात्रै संसारभरका ५ लाख बढी फेसबुक प्रयोगकर्ताले अकाउण्टमा समस्या आएको रिपोर्ट गरेका सिएनएनले जनाएको छ । ५ लाखभन्दा बढी इन्ष्टाग्राम प्रयोगकर्ता तथा १० हजार बढी फेसकुब मेसेञ्जरका प्रयोगकर्ताबाट पनि समस्या आएको रिपोर्ट पोस्ट भएको छ ।
एलन मस्कको एक्सको प्रतिस्पर्धी प्ल्याटफर्म थ्रेड्स पनि डाउन भएको समाचारमा उल्लेख गरिएको छ । थ्रेड्सका हजारौं प्रयोगकर्ताले केही गडबड भयो, पछि पुनः प्रयास गर्नुहोला भन्ने पपअप म्यासेज देखिएको रिपोर्ट गरेका छन् ।
मेटाका प्रवक्ता एण्डी स्टोनले एक्समा स्टाटस राख्दै भनेका छन् ः हाम्रा सेवाहरु लिन मानिसहरुलाई निकै ठूलो समस्या भइरहेको विषयमा हामी जानकार छौं । हामी समस्या समाधानका लागि प्रयासरत छौं ।
.png)
.jpg)
.jpg)
(1).gif)
.gif)
