डिप्रोक्स लघुवित्तको स्वतन्त्र सञ्चालकमा नेपाल नियुक्त

काठमाण्डौ । डिप्रोक्स लघुवित्त वित्तीय संस्था लिमिटेडको स्वतन्त्र सञ्चालकमा कमल प्रसाद नेपाल नियुक्त भएका छन् । संस्थाको जेठ २७ गते बसेको सञ्चालक समितिको बैठकले नेपाललाई स्वतन्त्र सञ्चालक नियुक्त गर्ने निर्णय गरेको हो ।  

उनलाई जेठ २७ गतेदेखि लागू हुनेगरी आगामी ४ वर्षका लागि स्वतन्त्र सञ्चालक नियुक्त गरिएको संस्थाले जनाएको छ । 

संस्थाका यसअघिका स्वतन्त्र सञ्चालक श्यामकृष्ण दाहालको ४ वर्षे कार्यकाल गत जेठ १० गतेदेखि समाप्त भएसँगै संस्थाको स्वतन्त्र सञ्चालक पद रिक्त रहदै आएको थियो ।