आईपीओको तयारीमा रहेको जगदम्बा स्पिनिङ मिल्सको नाम परिवर्तन

काठमाण्डौ । जगदम्बा स्पिनिङ मिल्सको नाम परिवर्तन भएको छ । कम्पनीको नाम परिवर्तन भई सर्वोत्तम स्पिनिङ मिल्स लिमिटेड कायम भएको हो ।

जगदम्बा स्पिनिङ मिल्सको नाममा रहेको सम्पूर्ण चल÷अचल सम्पत्ति तथा तिर्नुपर्ने ऋण,धन, कर दायित्व आदि परिवर्तित कम्पनीले सकार्ने गरी कम्पनीको नाम परिवर्तन भएको हो ।

गत वैशाख १० गते सम्पन्न कम्पनीको विशेष साधारण सभाले कम्पनीको नाम परिवर्तन गर्ने प्रस्ताव अनुमोदन गरेको थियो । जसलाई कम्पनीको रजिष्ट्रारको कार्यालयले वैशाख १६ गते स्वीकृती प्रदान गरेको थियो ।

कम्पनी आईपीओ जारी गर्ने तयारीमा रहेको छ । कम्पनीको उक्त सभाबाट बुक बिल्डिङ विधिबाट आईपीओ जारी गर्ने तथा सेयर संख्या परिमार्जन गर्ने र आईपीओबाट प्राप्त रकमको उपयोगका बारेमा निर्णय गर्ने विशेष प्रस्तावहरु समेत पारित भएको थियो ।