सान्भी इनर्जीको आईपीओले कति पाउला ओपनिङ रेञ्ज ?

काठमाण्डौ । सान्भी इनर्जी लिमिटेडको आईपीओ बाँडफाँड सम्पन्न भइसकेको छ । कम्पनीको आईपीओ १० कित्ताका दरले २ लाख ४१ हजार ५३० जना आवेदकले प्राप्त गरेका छन् ।

आईपीओ पाएका लगानीकर्ताहरुमा अहिले कम्पनीको आईपीओले कति ओपनिङ रेञ्ज पाउला भन्ने कौतुहलताको विषय बनेको छ । सान्भी इजर्नीको आईपीओले पहिलो कारोबारको लागि १२० रुपैयाँ ७४ पैसादेखि अधिकतम ३६२ रुपैयाँ २२ पैसासम्म ओपनिङ रेञ्ज पाउने देखिएको छ ।

नेप्सेले जुनसुकै कम्पनीको पहिलो कारोबारका लागि उक्त कम्पनीको वास्तविक नेटवर्थको आधारमा तीनगुणा सम्म मूल्य तोक्ने गर्दछ । कम्पनीको आव २०८०/८१ को वास्तविक प्रतिसेयर नेटवर्थ १२०.७४ रुपैयाँ रहेको छ ।

कम्पनीको नेटवर्थ आव २०८३/८४ सम्म १४६.३१ रुपैयाँसम्म पुग्ने प्रक्षेपण गरिएको छ ।