(1).gif)
(2).gif)
.jpg)
(1).gif)
.png)
काठमाण्डौ । साताको अन्तिम कारोबार दिन आज पनि नेपाल स्टक एक्सचेञ्च(नेप्से)दोहोरो अंकले बढेको छ । आज नेप्से परिसूचक ०.९५ प्रतिशत अर्थात २५.८९ अंकले बढेर २ हजार ७३१.८० विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि १.७१ प्रतिशतले बढेर ४७२.४३ विन्दुमा पुगेको छ । यो दिन नेप्सेमा सूचीकृत मध्ये ३१२ वटा स्क्रिप्टको २ करोड ६४ लाख ७० हजार ८४० कित्ता सेयर ९ अर्ब ६८ करोड २४ लाख रुपैयाँभन्दा बढीको कारोबार भएको छ ।
आजको बजारबारे बजार जानकार देव गुरागाई भन्छन्, ‘ सेयर बजार यतिबेला सुधारको चरणमा देखिन्छ । कारोबारमा पनि औषत भन्दा राम्रो आएको छ । आज बैंकिङ क्षेत्रमा लगानीकर्ताको आकषर्ण देखिन्छ ।’
उनले बैंकिङ क्षेत्रमा आकर्षण देखिनुको पछि दुई तीनवटा कारण रहेको बताए । ‘बैंकका सेयरमूल्य अन्डरभ्यालुड रहेको छ । यस्तै बैंकको सेयरमा जोखिम कम हुनु र मौद्रिक नीतिमा बैंकहरुका लागि सकारात्मक विषय आउने अपेक्षा जस्ता विषयले यो क्षेत्रमा आज चमक आएको हो,’ उनले भने ।
.gif)
प्राविधिक विश्लेषक सुवाचन्द्र ढुङ्गानाले बजार अब अप ट्रेण्डमा लागेको बताए । सकारात्मक मौद्रिक नीतिको अपेक्षा र असार मसान्तको प्रभाव कम हुनु जस्ता विषयले बजार बढेको उनले बताए । ‘प्राविधिक रुपमा पनि सानो टाइम फ्रेममा पनि बजार अप ट्रेण्ड नै हो । मिड टर्ममा भने बजारमा १० अर्ब कारोबारसहित २८ सयको विन्दु कटेपछि बजारको माथिको यात्रा थप निश्चित बन्छ,’ उनले भने ।
यो दिन नेप्सेमा सूचीकृत १३ वटा समूहमध्ये २ वटा बाहेक अन्य सबैमा हरियाली छायो । आज बैंकिङ समूह सर्वाधिक बढ्यो । यो समूह आज ३.१५ प्रतिशतले बढ्यो । विकास बैंक समूह पनि आज १.२३ प्रतिशत, फाइनान्स ०.७४, होटल ०.२६, लगानी ०.१९, उत्पादन तथा प्रशोधन ०.४१, लघुवित्त १.७५, म्युचुअल फण्ड ०.९७, निर्जीवन बीमा ०.४९ र अन्य समूह ०.२४ प्रतिशतले बढ्यो ।
व्यापार समूह र हाईड्रो समूह भने आज क्रमशः १.१० र ०.१८ प्रतिशतले घटे ।
धेरै कारोबार गर्ने कम्पनीहरु
यो दिन एनआरएन इन्फ्रास्ट्रक्चरको सर्वाधिक सेयर कारोबार भयो । आज यो कम्पनीको ५७ करोड ५ लाख बढीको कारोबार भयो । बुटवल पावरको पनि आज ३२ करोड ७३ लाख, सानिमा बैंकको २६ करोड ३४ लाख, सप्तकोशी डेभलपमेन्ट बैंकको १९ करोड ८५ लाख र सिईडिबि होल्डिङ्को १९ करोड ८३ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका कुनै पनि कम्पनीको सेयरमूल्यमा अपर सर्किट लागेन । माईखोला हाईड्रोको सेयरमूल्य सर्वाधिक अर्थात ८.१५ प्रतिशतले वृद्धि भयो ।
यस्तै माण्डु हाईड्रेको सेयरमूल्य ६.७६ प्रतिशत,समता घरेलु लघुवित्तको ६.५७,भगवती हाईड्रोको ६.५२ र सानिमा बैंकको सेयरमूल्य ४.८० प्रतिशतले बढ्यो ।
कर्पोरेट डेभलपमेन्ट बैंकको सेयरमूल्य आज सर्वाधिक अर्थात ९.९२ प्रतिशतले घट्यो । राप्ती हाईड्रोको सेयरमूल्य पनि आज ६.४७ प्रतिशत, सिन्धु विकास बैंकको ४.३९ र पञ्चकन्या माई हाईड्रोको सेयरमूल्य ४.३५ प्रतिशतले घट्यो ।
.png)
(204).jpg)
.jpg)
(1)(2).jpg)
.gif)
