बैंक तथा वित्तीय संस्थाहरुले हकप्रदबाट पूँजी वृद्धि गर्न पाउने

काठमाण्डौ । नेपाल राष्ट्रबैंकले बैंक तथा वित्तीय संस्थाहरुलाई पूँजी वृद्धिका लागि बाटो खोलिदिएको छ ।  

आर्थिक वर्ष २०८२/८३ को मौद्रिक नीतिमार्फत बैंक तथा वित्तीय संस्थाहरुलाई पूँजी वृद्धिका लागि सहजीकरण गरिने गभर्नर विश्व पौडेलले घोषणा गरेका हुन् । यो भनेको केन्द्रीय बैंकले बैंक तथा वित्तीय संस्थाहरुलाई उनीहरुको आवश्यकताका आधारमा हकप्रद सेयर जारी गर्न दिने भनिएको हो । 

विगत लामो समयदेखि बैंक तथा वित्तीय संस्थाहरुले हकप्रद सेयरमार्फत पूँजी वृद्धिका लागि केन्द्रीय बैंकमा लविङ गरिरहेका थिए । तिनै विषयलाई अहिले केन्द्रीय बैंकले सम्बोधन गरिदिएको हो ।

यस्तै, मौद्रिक नीतिमार्फत ३ करोडसम्मको कर्जामा ब्याजदर तोक्दा आधार दरमा २ प्रतिशत मात्र थपेर कायम गर्नुपर्ने व्यवस्था समेत गरिएको छ ।