(1).gif)
(2).gif)
.jpg)
(1).gif)
.png)
काठमाण्डौ । नेपाल स्टक एक्सचेञज(नेप्से)मा ट्रेड टावर लिमिटेडको आईपीओ सूचीकृत भएको छ । आज नेप्से र ट्रेड टावरबीच प्रति सेयर अंकित तथा चुक्ता मूल्य रु.१०० कायम भएको ८१ लाख ५६ हजार ०९७ कित्ता साधारण सेयर सूचीकरण गर्ने सम्झौता सम्पन्न भएको हो ।
कम्पनीले सर्वसाधारणसमक्ष लक्ष्मी सनराइज क्यापिटल (धितोपत्र निष्काशन तथा बिक्री प्रबन्धक) मार्फत गत जेठ १४ गतेदेखि २० गतेसम्म आईपीओ निष्कासन तथा बिक्री आवेदन खुला गरेको थियो ।
.gif)
यसरी सर्वसाधारण लगानीकर्ता सेयरधनीहरुलाई वितरण गरिएको ३९ लाख ७१ हजार ६९३ कित्ता(४८.६९६ प्रतिशत) र कम्पनीका संस्थापक सेयरधनीहरुले लगानी गरेको ४२ लाख ८४ हजार ४०४ कित्ता (५१.३०४ प्रतिशत)सेयर गरी जम्मा ८१ लाख ५६ हजार ०९७ कित्ता साधारण सेयर धितोपत्र सूचीकरण विनियमावली, २०७५ बमोजिम असार ३० गतेको निर्णयानुसार नेप्सेमा सूचीकरण गरिएको हो ।
नेप्सेमा सूचीकृत भएसँगै कम्पनीको आईपीओ बुधबारको कारोबारदेखि दोस्रो बजारमा कारोबारमा आउनेछ ।
नेप्सेले कम्पनीको सेयर दोस्रो बजार कारोबारका लागि कम्पनीलाई ‘टीटीएल’संकेत प्रदान गरेको छ । नेप्सेले पहिलो कारोबारका लागि प्रतिकित्ता १२३.०९ रुपैयाँ र ३६९.२७ रुपैयाँ ओपनिङ रेञ्ज दिएको छ ।
.png)
.jpg)
(207).jpg)
