सुनको मूल्य १४ डलरले बढ्यो, प्रतिऔंस कति पुग्यो ?

काठमाण्डौ । अन्तर्राष्ट्रिय बजारमा सुनको मूल्य वृद्धि भएको छ । अमेरिकी ट्रेजरीको घट्दो प्रतिफल र डलर केही कमजोर बनेसँगै सुनको मूल्य आज बढेको हो ।

आज सुनको मूल्य १४ डलरले बढ्दै प्रतिऔंस ३ हजार ३२८ डलरमा कारोबार भईरहेको छ ।

एक महिनाभन्दा बढीको उच्च विन्दुमा पुगेको डलर इन्डेक्समा केही गिरावट आएको छ । जसका कारण अन्य मुद्रा भएकालाई सुनको खरिद सस्तो पर्न गएको छ र उनीहरुले खरिद बढाएर माग बढेसँगै मूल्य पनि बढेको हो ।

यस्तै अमेरिकी १० वर्षे ट्रेजरीको प्रतिफल एक महिनाकै न्यून पुगेको छ । ब्याजदर घटाउने अमेरिकी राष्ट्रपति डोनाल्ड ट्रम्पको बारम्बारको प्रयासका बाबजुत पनि अमेरिकी केन्द्रीय बैंक,फेडले ब्याजदर स्थिर राख्ने सम्भावना उच्च रहेको छ ।