(1).gif)
(2).gif)
.jpg)
(1).gif)
.png)
काठमाण्डौ । हालसम्म २० वटा म्यचुअल फण्डले मात्रै गत आर्थिक वर्षको मुनाफाबाट लाभांश घोषणा गरेका छन् । योजना व्यवस्थापकहरुले आर्जित मुनाफाबाट आफ्ना इकाईधनीहरुलाई वार्षिक रुपमा नगद लाभांश गरेका हुन्छन् ।
म्युचुअल फण्ड म्यानेजरले वार्षिक रुपमा आर्जित नाफाबाट इकाईधनीहरुलाई कति नगद लाभाश बाँड्ने त्यो मूल्यांकन गर्दछ । यस्तो नाफा फण्डले लगानी गरेका सेयर, ऋणपत्र वा निक्षेप जस्ता क्षेत्रहरुबाट आएको आम्दानीमा आधारित हुन्छ ।
तर, सबै म्युचुअल फण्डले लाभांश दिनैपर्छ भन्ने छैन । यदि फण्डले लाभांश नदिएरु पुनः लगानी गर्न भने त्यो ग्रोथ विकल्प अन्तर्गत पर्छ । यदि कुनै म्युचुअल फण्ड घाटामा वा भनेजस्तो नाफा आर्जन नगरेको अवस्थामा त्यस्ता फण्डहरुले लाभांश नबाँड्न पनि सक्छ ।
गत आव २०८१/८१ को आर्जित मुनाफाबाट हालसम्म २० फण्डले लगानीकर्तालाई नगद लाभांश प्रस्तावा गरेका छन् । जसमा आधा जसो फण्डले १० प्रतिशत भन्दा बढी र आधा जसोले १० प्रतिशत भन्दा थोरै नगद लाभाश घोषणा गरेका छन् ।
.gif)
.gif)
गत आवको नाफाबाट सबैभन्दा बढी लाभांश घोषणा गर्नेमा सिद्धार्थ क्यापिटल लिमिटेडद्वारा सञ्चालित म्युचुअल फण्डहरु छन् । सिद्धार्थ इक्विटी फण्ड र सिद्धार्थ इन्भेष्टमेन्ट ग्रोथ स्किम–२ ले २० प्रतिशतका दरले नगद लाभांश प्रस्ताव गरेको छ ।
साथै क्यापिटलकै अर्को म्युचुअल फण्ड सिद्धार्थ इन्भेष्टमेन्ट ग्रोथ स्किम–३ ले भने १७ प्रतिशत नगद लाभांश घोषणा गरेको छ । यी तीनवटै फण्डकाले बुकक्लोज हुन बाँकी छ । यसर्थ लगानीकर्ताले दोस्रो बजारबाट यी तीनवटै फण्डको इकाई खरिद गर्दा सो प्रतिशत दरको लाभांश पाउन सकिनेछ ।
यता लक्ष्मी क्यापिटल मार्केट्स लिमिटेडद्वारा सञ्चालित लक्ष्मी उन्नती कोषले पनि २० प्रतिशत नगद लाभांश गरेको छ । क्यापिटलकै अर्को फण्ड लक्ष्मी भ्यालु फण्ड–२ ले भने १५ प्रतिशत र शुभ लक्ष्मी कोषले १६ प्रतिशत लाभांश प्रस्ताव गरेको छ । यो क्यापिटलको फण्डहरुको पनि बुकक्लोज मिति तय हुन बाँकी नै छ ।
त्यस्तै, सनराइज क्यापिटल लिमिटेडका म्युचुअल फण्डहरु सनराइज ब्लुचिप फण्डले १९ प्रतिशत, सनराइज फर्स्ट म्युचुअल फण्डले १४ प्रतिशत र सनराइज फोकस्ड इक्विटी फण्डले १३.५० प्रतिशत नगद लाभांश घोषणा गरेको छ । यो क्यापिटलका फण्डहरुको पनि बुकक्लोज मिति तय हुन बाँकी नै छ ।
साथै एनआइसी एशिया क्यापिटलका म्युचुअल फण्डहरु एनआइसी एशिया फ्लेक्सी क्याप फण्डले १०.१० प्रतिशत, एनआइसी एशिया ब्यालेन्स्ड फण्डले ९.९० प्रतिशत, एनआइसी एशिया सेलेक्ट–३० ले ८.६५ प्रतिशत र एनआइसी एशिया डायनामिक डेब्ट फण्डले ५.५५ प्रतिशत नगद लाभांश घोषणा गरेको छ । एनआइसी एशिया क्यापिटलको म्युचुअल फण्डहरुको पनि बुकक्लोज हुन बाँकी रहेकोले अझैपनि उक्त फण्डका इकाईहरु खरिद गर्दा प्रस्तावित लाभांश पाइनेछ ।
त्यस्तै, नबिल फ्लेक्सी क्याप फण्डले ९ प्रतिशत, कुमारी सुनौलो लगानी योजनाले ८.८८ प्रतिशत, एनआइबीएल सहभागीता फण्डले ७ प्रतिशत, गरिमा समृद्धि योजनाले ५.१० प्रतिशत, एनएमबी सरल बचत–ई ले ४.२७ प्रतिशत र मुक्तिनाथ म्युचुअल फण्ड–१ ले ३.८० प्रतिशत नगद लाभांश प्रस्ताव गरेका छन् ।
.png)
(211).jpg)
.jpg)
(1).jpg)
