(1).gif)
(2).gif)
.jpg)
(1).gif)
.png)
काठमाण्डौ । साताको तेस्रो कारोबार दिन आज नेपाल स्टक एक्सचेञ्च (नेप्से) सामान्य अंकले बढेको छ । आज नेप्से परिसूचक ०.२३ प्रतिशत अर्थात ६.५१ अंकले बढेर २ हजार ७७६.९० विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.३६ प्रतिशतले बढेर ४७७.०६ विन्दुमा पुगेको छ । यो दिन नेप्सेमा सूचीकृत मध्ये ३१६ वटा स्क्रिप्टको १ करोड ३१ लाख २४ हजार ३१० कित्ता सेयर ५ अर्ब ६३ करोड ६५ लाख रुपैयाँभन्दा बढीको कारोबार भएको छ ।
अघिल्लो दिन ६ अर्ब १८ करोड बढीको कारोबार भएको थियो ।
.gif)
.gif)
आजको बजारबारे नेपाल इन्भेष्टर्स फोरमका निवर्तमान अध्यक्ष छोटेलाल रौनियार भन्छन्, ‘लगानीकर्ता केही समयदेखि पर्ख र हेरको अवस्थामा छन् । यही कारण कारोबार पनि कम हुँदै गएको छ । मौद्रिक नीतिपछि केही समय बढेको बजारमा कसैले नाफा त कसैले स्टपलस गर्दा बजार घट्न पुगेको हो ।’
उनले धितोपत्र बोर्डले रियल टाइम सेटलमेन्ट गर्ने विषय, अन्तिम १५ मिनेटको औषत निकाल्ने जस्ता विषयले समेत बजारको मनोविज्ञान कमजोर पारेको उनले बताए । यद्यपी बजार सम्हालिन भने खोजेको उनको बुझाई रहेको छ ।
अर्का बजार जानकार टेकेन्द्र थपलियाले पनि बजारमा कारोबार कम हुँदै जानुले अब बजार सम्हालिन थालेको बताउँछन् । उनले केही दिनमा नै बजारमा सकारात्मक प्रभाव देखिने दाबी समेत गरे ।
यो दिन नेप्सेमा सूचीकृत १३ १३ वटै समूहमा हरियाली छायो । आज बैंकिङ समूह सर्वाधिक अर्थात ०.५७ प्रतिशतले बढ्यो । विकास बैंक समूह पनि आज ०.२३ प्रतिशत, फाइनान्स ०.१७, हाईड्रो ०.२५, लगानी ०.३०,जीवन बीमा ०.२७,उत्पादन तथा प्रशोधन ०.५२, लघुवित्त ०.२६, म्युचुअल फण्ड ०.३०,निर्जीवन बीमा ०.१५, अन्य ०.२४ र व्यापार समूह ०.५१ प्रतिशतले बढ्यो ।
धेरै कारोबार गर्ने कम्पनीहरु
यो दिन युनाइटेड मोदी हाईड्रोको सर्वाधिक सेयर कारोबार भयो । आज यो कम्पनीको ३१ करोड ७२ लाख बढीको कारोबार भयो । हिमालयन डिष्ट्रलरीको पनि २८ करोड ३७ लाख, राधी विद्युत कम्पनीको २० करोड ३३ लाख, बुटवल पावरको १७ करोड ५० लाख र माउन्टेन इनर्जीको १७ करोड ८ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका कुनैपनि कम्पनीको सेयरमूल्यमा अपर सर्किट लागेन । सान्भी इनर्जीको सेयरमूल्य आज सर्वाधिक अर्थात ६.९८ प्रतिशतले बढ्यो ।
यो दिन पियो र इनर्जीको सेयरमूल्य पनि ६.०९ प्रतिशत, इष्टर्न हाईड्रोपावरको ४.५८, सिटि होटल्सको ३.५८ र बुटवल पावर कम्पनीको सेयरमूल्य ३.२२ प्रतिशतले बढ्यो ।
नारायाणी डेभलपमेन्ट बैंकको सेयरमूल्य आज सर्वाधिक घट्यो । यो कम्पनीको सेयरमूल्यमा आज ६.१४ प्रतिशतको गिरावट आयो । युनाइटेड मोदी हाईड्रोको सेयरमूल्य पनि आज ४.१८ र युनियन हाईड्रोको सेयरमूल्य २.७२ प्रतिशतले खस्कियो ।
.png)
.png)
(184).jpg)
(1).jpg)
.jpg)
