(1).gif)
(2).gif)
.jpg)
.png)
काठमाण्डौ । जीवन बीमा कम्पनीहरुबाट दुई महिनामै पोलिसी सरेण्डरमार्फत साढे २ अर्ब रुपैयाँ बाहिरिएको छ ।
नेपाल बीमा प्राधिकरणले सार्वजनिक गरेको तथ्याङ्कबमोजिम चालु आवको दुई महिनामै जीवन बीमा कम्पनीहरुबाट २ अर्ब ५० करोड ७ लाख रुपैयाँ बाहिरिएको छ ।
यो रकम गत आवको सोही अवधिसम्मको तुलनामा ९.१८ प्रतिशत कम हो । गत आवको भदौ महिनासम्म जीवन बीमा कम्पनीहरुबाट पोलिसी सरेण्डरमार्फत १ अर्ब ७५ करोड ३३ लाख रुपैयाँ बाहिरिएको थियो ।
(2).gif)
.gif)
सरेण्डर रकमसँगै बीमालेख त्याग गर्नेको संख्या पनि गत आवको तुलनामा घटेको छ । गत आवको भदौ महिनासम्म १९ हजार ७४१ जनाले बीमालेख सपर्मण गरेकोमा चालु आवको भदौ महिनासम्म भने १५ हजार ८९८ जनाले मात्रै पोलिसी समर्पण गरेका छन् । यस हिसाबमा बीमालेख समर्पण संख्या १९.४७ प्रतिशतले घटेको छ ।
त्यस्तै, जीवन बीमकहरुमा व्यतित बीमालेख रकम ९नविकरण नगरिएको रकम० भने ५.०७ प्रतिशतले बढेको छ । गत आवको दुई महिनामा बीमालेख नविकरण नगरिएको रकम ३४ अर्ब ६७ करोड ६९ लाख रुपैयाँ रहेकोमा चालु आवको सो अवधिसम्म ३६ अर्ब ४३ करोड ४७ लाख रुपैयाँ पुगेको छ ।
यता व्यतित बीमालेखको संख्या पनि २.७९ प्रतिशत बढेर १२ लाख १३ हजार ५६२ वटा पोलिसी रिन्यु भएका छैनन् । गत आवको सोही अवधिसम्म यस्तो संख्या ११ लाख ८० हजार ६१६ रहेका थिए ।
जीवन बीमा कम्पनीहरुमा पोलिसी सरेण्डरदर कम भएपनि व्यतित भएका बीमालेख संख्या र रकम बढ्दै गइरहेको छ । यस्तो दर बढ्दै जाँदा बीमा कम्पनीहरुको व्यवसायमा प्रतिकुल असर पार्ने देखिन्छ ।
(2).gif)
.gif)
.gif)
(1).gif)
(2).gif)
.png)
.jpg)
.jpg)
.jpg)
.png)
