१८ बीमा कम्पनीको सेयरभाउ बढ्यो, सर्वाधिक गुमाउनेमा एनएलजी

काठमाण्डौ । साताको चौथो कारोबार दिन सेयरबजारमा दोहोरो अंकको बढोत्तरी भएको छ । नेप्से परिसूचक १२.१७ अंकले बढेर २६०७.४२ विन्दुमा उक्लिएको छ । नेप्सेमा सूचीकृत ३१२ कम्पनीको ९२ लाख १८ हजार ८१० कित्ता सेयर किनबेच हुँदा ४ अर्ब ६८ करोड रुपैयाँमाथिको सेयर कारोबार भएको छ ।

आज बीमा समूहका दुईवटै उपसूचक बढेको छ । जीवन बीमा समूह ०.४० प्रतिशत र निर्जीवन बीमा समूह ०.२१ प्रतिशतले बढेको छ । आज १८ बीमा कम्पनीको सेयरभाउ बढेको छ । सर्वाधिक कमाउनेमा नेपाल लाइफ इन्स्योरेन्स रहेको छ । कम्पनीको सेयरभाउ २.४७ प्रतिशतले बढेर ८२९ रुपैयाँ पुगेको छ । त्यस्तै, एशियन लाइफको १.०८ प्रतिशत, क्रेष्ट माइक्रो लाइफको ०.३८ प्रतिशत, गार्डियन माइक्रो लाइफको ०.३७ प्रतिशत, हिमालयन लाइफको ०.४७ प्रतिशत, आइएमई लाइफको ०.१८ प्रतिशत, एलआइसी नेपालको ०.८१ प्रतिशत, नेशनल लाइफको ०.११ प्रतिशत, सूर्यज्योति लाइफको ०.९२ प्रतिशत र साानिमा रिलायन्स लाइफको ०.९१ प्रतिशतले सेयरभाउ बढेको छ । 

यसका साथै हिमालयन एभरेष्टको ०.८२ प्रतिशत, नेको इन्स्योरेन्सको ०.८५ प्रतिशत, नेपाल माइक्रो इन्स्योरेन्सको १.५० प्रतिशत, प्रभु इन्स्योरेन्सको ०.३० प्रतिशत, आरबीसीएलको १.९७ प्रतिशत, सानिमा जिआइसीको ०.९४ प्रतिशत, युनाइटेड अजोडको १.७५ प्रतिशत र नेपाल रि इन्स्योरेन्सको ०.७६ प्रतिशतले बढेको छ । 

आज सर्वाधिक गुमाउने बीमा कम्पनीमा भने एनएलजी इन्स्योरेन्स रहेको छ । कम्पनीको सेयरभाउ २.८० प्रतिशतले घटेर ७२८ रुपैयाँ कायम भएको छ । त्यस्तै, आइजीआई प्रुडेन्सियलको ०.६८ प्रतिशत, नेपाल इन्स्योरेन्सको १.६० प्रतिशत, सलिकोको ०.७६ प्रतिशत, शिखर इन्स्योरेन्सको ०.१६ प्रतिशत, सिद्धार्थ प्रिमियरको ०.२१ प्रतिशत, एशियन लाइफको २.४८ प्रतिशत, प्रभु महालक्ष्मी लाइफको २.०८ प्रतिशत, रिलायबल नेपाल लाइफको १.०४ प्रतिशत र सन नेपाल लाइफको ०.६१ प्रतिशतले सेयरभाउ घटेको छ ।