शहरी क्षेत्रका बैंक शाखा समायोजनमा लचक व्यवस्था

काठमाण्डौ । नेपाल राष्ट्रबैंकले बैंक तथा वित्तीय संस्थाहरुलाई शहरी क्षेत्रका शाखा समायोजनमा लचक व्यवस्था गरिदिएको छ । 

चालु आर्थिक वर्षको मौद्रिक नीतिको पहिलो त्रैमासिक समीक्षाबाट यस्तो व्यवस्था गरिएको हो । 

केन्द्रीय बैंकले आफ्नो समीक्षामा विद्युतीय भुक्तानी कारोबार बढिरहेको तथा महानगरपालिकामा बैंक तथा वित्तीय संस्थाको शाखा उल्लेख्य रहेको सन्दर्भमा बैंक तथा वित्तीय संस्था स्वयम्ले महानगरपालिकामा रहेका शाखा समायोजन/एकीकरण गर्नसक्ने व्यवस्था मिलाएको बताएको हो ।