२१ बीमा कम्पनीको सेयरभाउ बढ्यो, सर्वाधिक कमाउनेमा सन नेपाल लाइफ

काठमाण्डौ । साताको दोस्रो कारोबार दिन सेयरबजारमा सामान्य अंकको बढोत्तरी भएको छ । नेप्से परिसूचक ६.७४ अंकले बढेर २६०१ विन्दुमा उक्लिएको छ । नेप्सेमा सूचीकृत ३२९ कम्पनीको ७७ लाख ५७ हजार ६२५ कित्ता सेयर किनबेच हुँदा ३ अर्ब ४४ करोड रुपैयाँमाथिको सेयर कारोबार भएको छ । आज बीमा समूहका दुईवटै उपसूचक बढेको छ । 

जीवन बीमा समूह ०.३० प्रतिशत र निर्जीवन बीमा समूह ०.०७ प्रतिशतले बढेको छ । आज २१ बीमा कम्पनीको सेयरभाउ बढेको छ । सर्वाधिक कमाउनेमा सन नेपाल लाइफ रहेको छ । कम्पनीको सेयरभाउ १.९६ प्रतिशतले बढेर ५१० रुपैयाँ पुगेको छ । 

त्यस्तै, एशियन लाइफको ०.६७ प्रतिशत, सिटिजन लाइफको ०.३८ प्रतिशत, क्रेष्ट माइक्रो लाइफको ०.२५ प्रतिशत, गार्डियन माइक्रो लाइफको ०.२८ प्रतिशत, हिमालयन लाइफको ०.१९ प्रतिशत, नेशनल लाइफको ०.५६ प्रतिशत, प्रभु महालक्ष्मी लाइफको ०.८१ प्रतिशत, रिलायबल नेपाल लाइफको ०.२१ प्रतिशत, सूर्यज्योति लाइफको ०.११ प्रतिशत र सानिमा रिलायन्स लाइफको ०.६१ प्रतिशतले बढेको छ । 

यसका साथै आइजीआई प्रुडेन्सियलको १.५२ प्रतिशत, नेपाल इन्स्योरेन्सको ०.६० प्रतिशत, नेको इन्स्योरेन्सको ०.४१ प्रतिशत, एनएलजीको ०.४३ प्रतिशत, नेपाल माइक्रो इन्स्योरेन्सको ०.८० प्रतिशत, प्रभु इन्स्योरेन्सको ०.४२ प्रतिशत, सानिमा जिआइसीको ०.६५ प्रतिशत, शिखरको १.२८ प्रतिशत, युनाइटेड अजोडको ०.६७ प्रतिशत र हिमालयन रि को ०.२३ प्रतिशतले बढेको छ । आज सर्वाधिक गुमाउने बीमा कम्पनीमा भने हिमालयन एभरेष्ट इन्स्योरेन्स रहेको छ ।

कम्पनीको सेयरभाउ १.४३ प्रतिशतले घटेर ४८२ रुपैयाँ कायम भएको छ । यसका साथै आरबीसीएलको ०.७३ प्रतिशत, सलिकोको १.१६ प्रतिशत, सिद्धार्थ प्रिमियरको ०.२८ प्रतिशत, नेपाल रि को ०.७८ प्रतिशत, आइएमई लाइफको ०.६८ प्रतिशत र एलआइसी नेपालको ०.११ प्रतिशतले घटेको छ ।