अमेजनले यो देशका नागरिकलाई रोजगारीका लागि आवेदन दिन लगायो रोक

काठमाण्डौ । अमेरिकाको प्रमुख टेक कम्पनी अमेजनले रोजगारीका लागि आवेदन दिने उत्तर कोरियाली नागरिकमाथि कडा प्रतिबन्ध लगाएको छ। कम्पनीका अनुसार उत्तर कोरियाली आईटी कामदारहरूलाई विदेशी कम्पनीहरूमा रिमोट (वर्क फ्रम होम) रोजगारीमा संलग्न गराई कमाइएको रकम अवैध रूपमा ‘ब्ल्याक मनी’लाई ‘ह्वाइट’ बनाउने कार्यमा प्रयोग भइरहेको आशंका छ।

मिडिया रिपोर्टअनुसार उत्तर कोरियाली नागरिकहरू विशेषगरी अमेरिकास्थित कम्पनीहरूमा रिमोट आईटी जागिर पाउन सक्रिय रूपमा प्रयास गरिरहेका छन्। अमेजनका चीफ सेक्युरिटी अफिसर स्टिफन श्मिटले लिंक्डइनमार्फत सार्वजनिक गरेको जानकारीअनुसार, पछिल्लो एक वर्षमा उत्तर कोरियाबाट आएका रोजगारी आवेदनहरू करिब एक तिहाइले वृद्धि भएका छन्।

अमेजनले केही आवेदकहरूले आफ्नो वास्तविक पहिचान लुकाउने प्रयास गरेको जनाएको छ। उनीहरूको शैक्षिक योग्यता तथा कागजातहरू शंकास्पद देखिनुका साथै पृष्ठभूमि प्रमाणीकरणमा असमानता भेटिएको कम्पनीको दाबी छ।

रिपोर्टमा ‘ल्यापटप फर्म’ नामक प्रविधिको प्रयोगसमेत खुलासा गरिएको छ। यस प्रविधिमार्फत अमेरिका बाहिर बस्ने व्यक्तिले अमेरिकाभित्र रहेका कम्प्युटरहरूलाई रिमोट रूपमा सञ्चालन गर्ने गर्छन्। अमेजनका अनुसार यस्तो अभ्यास सम्पूर्ण टेक उद्योगका लागि गम्भीर सुरक्षा चुनौती बन्न सक्ने सम्भावना छ।

यसै सन्दर्भमा, सन् २०२४ को जुलाईमा अमेरिकाको एरिजोना राज्यकी एक महिलालाई जेल सजाय सुनाइएको थियो। ती महिलाले दर्जनौं अमेरिकी कम्पनीहरूमा उत्तर कोरियाली आईटी कामदारहरूलाई रोजगारी दिलाउन ‘ल्यापटप फर्म’ प्रयोग गरेको अभियोग प्रमाणित भएको थियो। रिपोर्टअनुसार यस कार्यबाट ती महिला र उत्तर कोरियाली कामदारहरू दुवैलाई आर्थिक लाभ पुगेको थियो।

यस घटनाले अमेरिकी कम्पनीहरूको साइबर सुरक्षामाथि गम्भीर प्रश्न उठाएको छ। विदेशबाट अमेरिकामा सञ्चालन भइरहेका कम्प्युटरहरूमा पहुँच हुँदा ह्याकिङ तथा संवेदनशील डाटामा जोखिम बढ्ने विज्ञहरूको भनाइ छ।

रिपोर्टका अनुसार उत्तर कोरियाली साइबर अपरेटिभहरू अमेरिकामात्र होइन, छिमेकी देश दक्षिण कोरियालाई पनि लक्षित गरिरहेका छन्। उनीहरूले लिंक्डइनजस्ता प्रोफेशनल प्लेटफर्म प्रयोग गरी दक्षिण कोरियाली रक्षा कम्पनीमा कार्यरत व्यक्तिहरूसँग सम्पर्क गर्दै संवेदनशील जानकारी संकलन गर्ने प्रयास गरेको उल्लेख गरिएको छ।

यस घटनाले अमेरिकी कम्पनीहरूको साइबर सुरक्षामाथि गम्भीर प्रश्न उठाएको छ। विदेशबाट अमेरिकामा सञ्चालन भइरहेका कम्प्युटरहरूमा पहुँच हुँदा ह्याकिङ तथा संवेदनशील डेटामा जोखिम बढ्ने विज्ञहरूको भनाइ छ।

रिपोर्टका अनुसार उत्तर कोरियाली साइबर अपरेटिभहरू अमेरिकामात्र होइन, छिमेकी देश दक्षिण कोरियालाई पनि लक्षित गरिरहेका छन्। उनीहरूले लिंक्डइनजस्ता प्रोफेशनल प्लेटफर्म प्रयोग गरी दक्षिण कोरियाली रक्षा कम्पनीमा कार्यरत व्यक्तिहरूसँग सम्पर्क गर्दै संवेदनशील जानकारी संकलन गर्ने प्रयास गरेको उल्लेख गरिएको छ।

यस घटनाक्रमपछि अमेरिकी टेक कम्पनीहरू र नियामक निकायहरूले रिमोट हायरिङ प्रक्रियामा थप कडाइ गर्ने संकेत दिएका छन्।