समानुपातितर्फ रास्वपाले कटायो १८ लाख मत, अन्य दलको कति ?

काठमाण्डौ । प्रतिनिधी सभाको समानुपातिक तर्फको मतगणना जारी छ । निर्वाचन आयोग नेपालका अनुसार देशभरका मतगणना स्थलबाट प्रणालीमा प्रविष्टि भएको आधारमा हालसम्म ३६ लाख ३२ हजार ०७५ मत गणना भइसकेको छ ।  

गणना भएकोमध्ये झण्डै ५० प्रतिशत मत राष्ट्रिय स्वतन्त्र पार्टी (रास्वपा)ले पाएको छ । हालसम्म रास्वपाले १८ लाख ८ हजार ८८ मत प्राप्त गरी अग्र स्थानमा रहेको छ ।

त्यस्तै, दोस्रो स्थानमा नेपाली कांग्रेस रहेको छ । कांग्रेसले हालसम्म समानुपातिकतर्फ ६ लाख १५ हजार १५ मत प्राप्त गरी दोस्रो स्थान जमाएको छ ।  

तेस्रो स्थानमा भने नेपाल कम्युनिष्ट पार्टी (एकीकृत माक्र्सवादी लेलिननवादी) एमालेले ५ लाख १५ हजार ६७४ मत प्राप्त गरेको छ भने चौथो स्थानमा नेपाली कम्युनिष्ट पार्टीले २ लाख ४४ हजार ७६७ मत प्राप्त गरेको छ ।  

पाँचौ स्थानमा राष्ट्रिय प्रजातन्त्र पार्टीले १ लाख ३० हजार ३५३ मत प्राप्त गरेको छ भने छैठौं स्थानमा श्रम संस्कृति पार्टीले ७७ हजार २७३ मत प्राप्त गरेको छ ।