भयावह बन्दै मध्यपूर्वको युद्ध: संसारको कुनै पनि कुनामा अमेरिकी र इजरायलीहरुलाई नछाड्ने चेतावनीले त्रास

तेहरान । हालै भएका आक्रमणपछि इरानले इजरायल र अमेरिकासँग सम्बन्धित व्यक्तिहरूलाई विश्वभर असुरक्षित हुने चेतावनी दिएको छ।

 

इरानका शीर्ष सैन्य प्रवक्ता जनरल अबोलफजल शेखार्चीले राज्य टेलिभिजनमार्फत सार्वजनिक गरेको वक्तव्यमा भनेका छन्, “अबदेखि हाम्रो जानकारीका आधारमा, तपाईंहरूका लागि विश्वका कुनै पनि पार्क, मनोरञ्जन स्थल वा पर्यटकीय गन्तव्य सुरक्षित रहने छैनन्।”

उनको यो अभिव्यक्ति पछिल्ला सैन्य तनावहरूपछि आएको हो, जसले मध्यपूर्व क्षेत्रमा तनाव थप चर्किएको संकेत दिएको छ। इरानले आफ्ना ‘शत्रु’ विरुद्ध विश्वव्यापी रूपमा प्रतिक्रिया दिन सक्ने संकेत दिएको विश्लेषकहरू बताउँछन्।

यस चेतावनीले अन्तर्राष्ट्रिय सुरक्षामा थप चिन्ता बढाएको छ भने विभिन्न देशहरूले आफ्ना नागरिकको सुरक्षाबारे सतर्कता अपनाउन सक्ने सम्भावना देखिएको छ।

-Source : aljazeera