पाल्पा सिमेन्टको आइपीओ सूचीकृत, कति पायो ओपनिङ रेञ्ज ?

काठमाण्डौ । नेपाल स्टक एक्सचेञ्ज (नेप्से)मा पाल्पा सिमेन्ट कम्पनीको आइपीओ सूचीकृत भएको छ । कम्पनीको आइपीओ ‘पीसीआईएल’ सिम्बोलबाट सूचीकृत भएको हो ।  

कम्पनीको अंकित मूल्य १०० रुपैयाँ दरको कुल ३ करोड ७५ लाख कित्ता सेयर सूचीकृत भएको हो । जसमा ८० प्रतिशत दरको कुल ३ करोड कित्ता संस्थापक सेयरधनीहरुले लगानी गरेको र २० प्रतिशत दरको ७५ लाख कित्ता सेयर सर्वसाधारणहरुले लगानी गरेको रहेको छ ।  

नेप्सेले सो कम्पनीको आइपीओलाई पहिलो कारोबारको लागि १०० रुपैयाँदेखि अधिकतम ३०० रुपैयाँसम्म ओपनिङ रेञ्ज प्रदान गरेको छ । सोही मूल्यकै आधारमा कम्पनीको कारोबार भोलिदेखि नै खुल्नेछ ।