नेपाल फाइनान्सको संस्थापक सेयर बिक्रीमा, सर्वसाधारणले खरिद गर्न सक्ने

काठमाण्डौ । नेपाल फाइनान्स लिमिटेडले १० हजार कित्ता संस्थापक सेयर बिक्रीमा राखेको छ । कम्पनीले उक्त संस्थापक सेयर आजदेखि बिक्रीमा राखेको हो ।

यो सेयर खरिदका लागि जो सुकै व्यक्ति तथा कम्पनीले खरिद आवेदन दिन सक्नेछन् । इच्छुक लगानीकर्ताले सूचना प्रकाशित भएको १५ दिनभित्र आवेदन दिइसक्नु पर्नेछ । लगानीकर्ताले आवश्यक कागजात प्रमाण संलग्न गरी र खरिद गर्न चाहेको सेयर संख्या खुलाई कमलादी काठमाण्डौमा रहेको कम्पनीको केन्द्रीय कार्यालयमा आवेदन दिनुपर्नेछ ।  

सेयरको न्यूनतम मूल्य रु.१०० निर्धारण गरिएकाले उक्त मूल्यमा नघट्ने गरी आवेदन पेश गर्नु पर्नेछ ।