(2).gif)
(1).gif)
(3).gif)
.jpg)
.png)
काठमाण्डौ । साताको दोस्रो कारोबार दिन आज नेपाल स्टक एक्सचेञ्च(नेप्से) मा सामान्य अंकको वृद्धि भएको छ । आज नेप्से परिसूचक ०.४२ प्रतिशत अर्थात ८.९० अंकले बढेर २०८२.०९ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.२३ प्रतिशतले बढेर ३६९.०५ विन्दुमा पुगेको छ । यो दिन नेप्सेमा सूचीकृत मध्ये ३१४ वटा कम्पनीको १ करोड १६ लाख ३४ हजार ६१८ कित्ता सेयर ५ अर्ब ४९ करोड ६ लाख रुपैयाँभन्दा बढीको कारोबार भएको छ । आज कारोबार वृद्धि भएको छ । अघिल्लो दिन ५ अर्ब १८ करोडको कारोबार भएको थियो ।
आजको बजारबारे बजार जानकार अजयसिंह थाप(जयशम्भु)भन्छन्, ‘हिजो आजको कारोबार हेर्दा अझै पनि करेक्सन फेज नसकिएको जस्तो देखिन्छ । यद्यपी ठूलो करेक्सन हुने सम्भावना भने देखिदैन । असारको दबावले बजार २ हजार ५० सम्म एकपटक आएर माथिको यात्रा तय गर्न सक्छ ।’
प्राविधिक रुपमा पनि यस्तै अवस्था देखिएको र अधिकांश दीर्घकालिन लगानीकर्ता पनि विस्तारै बजार प्रवेश गरिरहेको थापाले बताए ।
अर्का बजार जानकार यज्ञ घिमिरेले बजारमा बिक्रिकर्ता हाबी हुँदा बजारले सोचे अनुरुप गति लिन नसकेको बताए । ‘अहिले दीर्घकालिन लगानीकर्ता पछि परेका छन् । बजारमा केहि सकारात्मक पक्षहरु समेत छन् । राष्ट्र बैंकको लचिलो मौद्रिक नीति र चौथो त्रैमासिक प्रतिवेदन आउँदै गर्दा बजारले माथिकै यात्रा तय गर्ने देखिन्छ ।’ उनले भने ।
यो सातासम्म बजार २१ सय विन्दुमाथि रहने प्रक्षेपण उनले गरे ।
यो दिन नेप्सेमा सूचीकृत १३ वटा समूहमध्ये ७ वटा समूहमा हरियाली छायो भने अन्य समूहमा रातो पोतियो । आज हाईड्रो समूहमा सबै धेरै वृद्धि देखियो । यो समूह आज २ प्रतिशतले बढ्यो ।
त्यस्तै विकास बैंक समूह ०.३६ प्रतिशत वित्त १.२१,लगानी समूह ०.१५,उत्पादन तथा प्रशोधन ०.११,लघुवित्त ०.६२ र निर्जीवन बीमा समूह १.२८ प्रतिशतले बढ्यो ।
आज बैंकिङ समूह ०.०२ प्रतिशत,होटल ०.९३,जीवन बीमा ०.२४,म्युचुअल फण्ड ३.७४ अन्य ०.०३ र व्यापार समूह २.०४ प्रतिशतले घट्यो ।
धेरै कारोबार गर्ने कम्पनीहरु
आज एनआरएन इन्फ्रास्ट्रकचरको सर्वाधिक सेयर कारोबार भयो । आज यो कम्पनीको ४१ करोड ८७ लाख बढीको सेयर कारोबार भएको छ । यो दिन माउन्टेन इनर्जीको २४ करोड ४७ लाख,जानकी फाइनान्सको १६ करोड ७७ लाख र सिईडिबि हाईड्रोका १३ करोड ५१ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज कुथेली बुखरी हाईड्रो,त्रिशुली जलविद्युत,पिपुल्स पावर र मोलुङ हाईड्रोको सेयरमूल्यमा सकारात्मक सर्किट लाग्यो । साथै आज सुपरमाई हाईड्रोको सेयरमूल्य ८.९९ प्रतिशत,सामलिङ पावरको ७.९७ र गोर्खाज फाइनान्सको सेयरमूल्य ७.१२ प्रतिशतले बढ्यो ।
आज जानकी फाइनान्सको सेयरमूल्य सर्वाधिक अर्थात ८.६७ प्रतिशतले घट्यो । यस्तै आज बाराही हाईड्रोको सेयरमूल्य ५.२९ प्रतिशत,भगवति हाईड्रोको ४.८३ र बुद्धभूमि नेपाल हाईड्रोको सेयरमूल्य ३.०१ प्रतिशतले घट्यो ।
(1).gif)
(3).gif)
.png)
.gif)
.png)
.jpg)
.jpg)
.png)
(3)(1).jpg)
