(1).gif)
(2).gif)
.png)
काठमाण्डौ । भारतको पञ्जावमा बस्ने पर्ल ग्रुपका मालिक तथा ४५ हजार करोड भारु घोटालाका मास्टरमाइन्ड निर्मल सिंहको मृत्यु भएको छ ।
सिंहलाई भारतको सेन्ट्रल ब्यूरो अफ इन्भेस्टिगेशन(सीबीआई)ले पक्राउ गरेको थियो । पक्राउ परेदेखि उनी दिल्लीको तिहाड जेलमा थिए । उनलाई पोन्जी स्किममार्फत करडौ रकम जम्मा गरेको आरोप लागेको थियो । उनले यस क्रममा ५ हजार करोडभन्दा धेरै मानिसहरुलाई ठगेका थिए । यसरी ठगेको रकम उनले विदेशमा लगानी गर्ने गरेका थिए ।
(2).gif)
.gif)
उनीमाथि अनुसन्धान भएपछि जनवरी २०१६ मा सीबीआईको फन्दामा परेका थिए । पर्ल ग्रुप खडा गर्नुअघि उनी साइकलमा दुध बेच्ने गर्थे । यसै क्रममा उनले पोलिटिकल साइन्समा पोस्ट ग्रेजुएशन पनि गरेका थिए ।
७० को दशकमा सिंह कामको खोजीमा कलकत्ता पुगेका थिए । जहाँ उनले एक चर्चित लगानी कम्पनी पियरलेसमा केही वर्ष काम गरेका थिए । यसपछि उनी लगानीकर्ताको करडो ठगेको कम्पनी गोल्डेन फरेस्ट इण्डियामा काम गर्न थाले । यो कम्पनीमा काम छाडेपछि उनी बेरोजगार भए । यो कम्पनीमा काम गरेको अनुभवबाट उनले सन् १९८० मा पल्र्स गोल्डेन नामक कम्पनी स्थापना गरे । यो कम्पनीबाट लगानीकर्तालाई राम्रो मुनाफा दिने प्रलोभन दिएर पैसा जम्मा गर्ने गरिन्थ्यो । कम्पनीले सन् १९९६ सम्म करडौ रकम जम्मा गरेको थियो । आयकर र अन्य विभागको अनुसन्धानपछि कम्पनी बन्द भएको थियो ।
त्यसपछि उनले पञ्जाबको बर्नालाबाट नयाँ कम्पनी पर्ल्स एग्रोटेक कर्पोरेशन लिमिटेड सुरु गरे। यो एक चेन सिस्टम योजना थियो। कम्पनीले दिएको ठूलो नाफाको दाबी र आश्वासनको प्रलोभनमा पाँच करोडभन्दा बढीले यसमा लगानी गरेका थिए । यसअन्तर्गत जनतालाई हरेक महिना थोरै रकम जम्मा गर्न भनिएको थियो । जनताबाट संकलन भएको थोरै रकमबाट उनले स्वदेशमा मात्रै होइन विदेशमा पनि पर्ल ग्रुपको साम्राज्य स्थापना गरे । सिंहले विभिन्न व्यवसायमा करोडौं रुपैयाँ लगानी गरेका छन् । लगानीकर्ताले वाचाबमोजिम लगानी गरेको रकम फिर्ता नगरेपछि सर्वसाधारणले कम्पनीविरुद्ध उजुरी दिन दिएका थिए । त्यसपछि यो मुद्दा सीबीआई पुगेको थियो ।
(1).gif)
.gif)
.gif)
(1).gif)
(2).gif)
.png)
.jpg)
.jpg)
.jpg)
.jpg)
.jpg)
