दशैंपछि खुलेको बजारले पहिलो दिन नै देखायो बुलिस संकेत(प्राविधिक विश्लेषण)

काठमाण्डौ । दशैंपछि खुलेको बजारमा आज बुलिस प्रकृतिको क्याण्डल बनेको छ । आजको क्याण्डललाई यसअघिका २ वटा क्याण्डलसँग मिलाएर हेर्दा नेप्सेमा मर्निङ स्टार बनेको देखिन्छ ।  

मर्निङ स्टार प्याटर्न बन्दा पहिलो क्याण्डल रातो, दोस्रो क्याण्डल अनिर्णयको र तेस्रो क्याण्डल बुलिस प्रकृतिको बन्ने गर्छ । यी तीनवटा क्याण्डललाई मिलाएर हेर्दा पछिल्लो पल्ट नेप्सेमा मर्निङ स्टार प्याटर्न बनेको देखिन्छ । यसले सम्भावित बजार बुलमा जानसक्ने संकेत गरेको रुपमा बुझिन्छ ।

 पछिल्लो पटक २४४०  बाट फर्केको बजारमा ९ वटा कारोबारमा ६ कारोबार बढेको छ भने ३ कारोबार घटेको छ । तर बजारमा पछिल्लो समय भने कारोबार रकम(भोलुम) भने खासै बढ्न सकेको छैन ।  

आज तीन अर्ब आसपास कारोबार हुनु भनेको निकै ड्राइअप हुनु हो । यसअघि असार १७ गते ३ अर्ब भोलुम आएपछि नै बजारले गति लिएको थियो । 

बजारलाई बोलिङ्गर ब्याण्डबाट नियाल्दा मध्यब्याण्ड माथि चलेको देखिन्छ । अब बजारले अपरब्याण्ड २७४२  आसपासमा प्रतिरोध सामना गर्नसक्छ भने घटेमा भने बजारले मध्यब्याण्ड अर्थात २६०० आसपासमा सपोर्ट लिनसक्छ ।

(नोट: सेयर बजारमा लगानी जोखिमपूर्ण हुन्छ। यो विश्लेषण कारोबारका लागि सिफारिस भने होइन ।)