वार्षिक औषत २९% लाभांश दिएको एलआईसी नेपालको सेयर बुलिस बन्दै, यस्तो छ प्राविधिक विश्लेषण

काठमाण्डौ । लाइफ इन्स्योरेन्स कर्पोरेशन (नेपाल) लिमिटेड नेप्सेमा सूचीकृत बीमा कम्पनीहरु मध्ये एक हो । यो कम्पनी ज्वाइन्ट भेन्चर कम्पनीअन्तर्गत नेपालमा सन् २००१ देखि सञ्चालित छ । 

यस कम्पनीमा ५५ प्रतिशत सेयर स्वामित्व भारतीय कम्पनी लाइफ इन्स्योरेन्स कर्पोरेशन अफ इन्डियाको रहेको छ भने बाँकी ४५ प्रतिशत नेपाली नगरिकको छ । नेपालीको ४५ प्रतिशत स्वामित्वमध्ये २५ प्रतिशत विशाल ग्रुपको रहेको छ भने २० प्रतिशत सर्वसाधारणको स्वामित्व रहेको छ।  

यस कम्पनीका हाल नेपालमा ७६ वटा शाखा कार्यालय छन् । जसअन्तर्गत ६ वटा उपत्यकामा छन् भने ७० वटा उपत्यका बाहिर छन ।

आधाभूत पक्षः  

गत आर्थिक वर्षको चौंथो त्रैमासिक प्रतिबेदनअनुसार कम्पनीको चुक्तापूँजी २ अर्ब ६५ करोड रहेको छ । कम्पनीले करिब ८८ प्रतिशत हकप्रद पनि निष्कासन गर्ने भएको छ । जसको बुक क्लोज मिति समाप्त भईसकेको छ । कम्पनीको जगेडा कोषमा २ अर्ब ६४ करोड रुपैयाँ रहेको छ भने खूद मूनाफा २३ करोड ८५ लाख रुपैयाँ रहेको छ । कम्पनीको बुक भ्यालु २३५ रुपैयाँ रहेको छ भने रिर्टन अन इक्विटी २.८३ प्रतिशत रहेको छ । कम्पनीको ९ वर्षको बार्षिक औषत लभांशदर २९ प्रतिशत रहेको छ ।  

प्राविधिक पक्षः  

फियर एण्ड ग्रिड इन्डेक्स  

फियर एण्ड ग्रिड इन्डेक्सको आधारमा यो कम्पनी हाल वियरिस सेन्टिमेन्टमा चलेको छ । यो कम्पनी हाल २० को तहमा वियरिस सेन्टिमेन्टमा चलेको छ । यो इन्डेक्समा यदि २० भन्दा तल भए स्ट्रङ वियरिस र ८० भन्दा माथि पुगेमा स्ट्रङ बुलिस भन्ने हुन्छ । यो कम्पनी हाल दोस्रो बजारमा १ हजार २७५ रुपैयाँमा अन्तिम कारोबार भएको छ ।  

बोलिङ्गर ब्याण्ड , म्याक्डी र आरएसआई

बोलिङ्गर ब्याण्डको आधारमा यो कम्पनीको सेयर भाउले मध्य ब्याण्डलाई ब्रेक गरेर हाल अपर ब्याण्डलाई छोएको छ । अर्थात बुलिस मारुबुजु क्याण्डल बनेको छ । म्याक्डीमा करिब बुलिस क्रसओभर बन्दै गरेको देखिन्छ । हिस्टोग्राम नेगेटिभ र छोटाछोटा हुँदै गरेको देखिन्छ । आरएसआई ओभर सोल्ड जोनबाट फर्केर हाल ६० को तहमा पुगेको छ । समग्रमा तीन वटै इन्डिकेटबाट नियाल्दा यो कम्पनीको सेयर मूल्यले अप ट्रेन्ड लिँदै गरेको देखिन्छ ।  

पिभट् प्वइन्टः  

पिभट् विश्लेषणमार्फत सेयर तथा डेरिभेटिभको  अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।  

बढेमा प्रतिरोध  

प्रतिरोध ३ – १५२२

प्रतिरोध २ – १४२६

प्रतिरोध १–  १२९३

पिभट प्वइन्टः ११९७

घटेमा सपोर्ट  

सपोर्ट १– १०६४

सपोर्ट २– ९६७

सपोर्ट  ३ – ८३५

निष्कर्षःगत आर्थिक वर्षको चौंथो त्रैमासिक प्रतिबेदनअनुसार यो कम्पनीको प्रतिसेयर आम्दानी, बुक भ्यालु , खुद मुनाफा तथा रिर्टन अन इक्विटी सबैमा बढोत्तरी आएको छ । हालसम्म कम्पनीको वित्तिय विवरण सन्तोषजनक नै रहेको छ । तर अब पूँजी बढ्दा कम्पनीले खुद मुनाफा र रिर्टन अन इक्विटीमा पनि बढोत्तरी गर्न सकेको खण्डमा कम्पनी अब्बल नै हुनेछ । प्राविधिक रुपमा भने यो कम्पनीको सेयर भाउ लामो समयको गिरावटपछि हाल म्याक्डीमा बुलिस क्रस बन्दै गरेको देखिन्छ ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।