नेप्सेको सपोर्ट जोनमा ‘स्ट्रङ बुलिस’ क्याण्डल, अबको सम्भावना कस्तो ?

काठमाण्डौ । आज दिनभर सामान्य रहेको बजार अन्त्यमा करिब ४६ अंकले बढेर बन्द भएको छ । अघिल्लो दिनको तुलनामा आज बजार बढ्दा कारोबार पनि बढेको छ । प्राविधिक रुपमा आजको बजारलाई क्याण्डल स्टिकबाट नियाल्दा सपोर्ट जोन २६६० विन्दुमा स्ट्रङ बुलिस क्याण्डल बनेको देखिन्छ ।  

आजको क्याण्डलले यस अघि बनेको २ वटा क्याण्डलाई पुरै ढाकेको छ । यसले बजार घट्न रोकिएको मान्न सकिन्छ । त्यसैगरि, बोलिङ्गर ब्याण्डमार्फत नियाल्दा आज बजारले तल्लो ब्याण्डमा सपोर्ट लिएको छ भने अब मध्य ब्याण्ड २७२० विन्दु आसपासमा प्रतिरोध सामाना गर्न सक्छ ।

Sponsored

Sponsored

तर आगामी कारोबारमा यदि बजार यो विन्दुभन्दा माथि टिकेर कारोबार भएको खण्डमा बजारले माथिका यात्रा तय गर्न सक्छ । तर बजार पुनः २७ सय तल खसेमा भने केही समय अझै साइडवेज पनि चल्न सक्छ । आवरली बेसमा आरएसआई ओभर सोल्ड जोन ३० बाट फर्केर हाल ५० भन्दा माथि बन्द भएको छ । मनी फ्लो इन्डेक्स पनि ओभर सोल्ड जोन १४ बाट फर्केर ४८ मा पुगेको छ । समग्रमा सबै इन्डिकेटरबाट नियाल्दा बजारले अप ट्रेन्ड लिदै गरेको देखिन्छ ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।