बाराही हाईड्रोपावरको सञ्चालकमा दाहाल नियुक्त

काठमाण्डौ । बाराही हाईड्रोपावर पब्लिक लिमिटेडको सञ्चालकमा प्रज्वल कुमार दाहाल नियुक्त भएका छन् । कम्पनीको पुस ८ गते बसेको सञ्चालक समितिको बैठकले दाहाललाई आगामी साधारण सभाबाट अनुमोदन गर्ने गरी सञ्चालक नियुक्त गर्ने निर्णय गरेको हो ।

उनलाई शिवकुमार शर्माको स्थानमा बाँकी कार्यकालका लागि नियुक्त गरिएको हो ।

यस्तै बैठकले यसअघिका सञ्चालक शिवकुमार शर्माको राजीनामा स्वीकृत गर्ने निर्णय समेत गरेको छ । शर्मा सर्वसाधारण सेयरधनीका तर्फबाट सञ्चालक समितिमा प्रतिनिधित्व गर्दै आईरहेका थिए ।