नेपाल चेम्बर अफ कमर्सद्वारा भन्सार अधिकृत गोपालप्रसाद भट्टराई सम्मानित

काठमाण्डौ । नेपाल चेम्बर अफ कमर्सले ७३ औं अन्तर्राष्ट्रिय भन्सार दिवसको अवसरमा भन्सार विभागका शाखा अधिकृत गोपालप्रसाद भट्टराईलाई उत्कृष्ट भन्सार सेवा तथा व्यापार प्रवर्धनमा पु¥याएको योगदानको लागि सम्मान गरेको छ । भन्सार विभागको सिफारिसमा गरिएको यो सम्मान भट्टराईको सेवाप्रतिको उत्कृष्ट प्रतिबद्धतालाई दर्शाउने चम्बर अफ बमर्सले जनाएको छ ।

 सम्मान समारोहमा चेम्बरका अध्यक्ष कमलेश कुमार अग्रवालले भन्सार प्रशासन सुधार गर्दै व्यापार सहज बनाउनु आवश्यक रहेको बताए । उनले भन्सारमा प्रचलित सन्दर्भ मूल्यांकन प्रणालीलाई अन्तर्राष्ट्रिय मापदण्ड अनुसारको कारोबार मूल्यांकन प्रणालीमा रूपान्तरण गर्नुपर्ने र कर निर्धारणको स्पष्टता बढाउन हर्मोनिक कोडको पुनरावलोकन आवश्यक रहेको उल्लेख गरका छन् ।

चेम्बरका पूर्व अध्यक्ष राजेन्द्र मल्लले भन्सार व्यवस्थालाई प्रविधिमैत्री बनाउँदै अवैध व्यापार नियन्त्रण गर्न जोड दिए । वरिष्ठ उपाध्यक्ष दीपक मल्होत्राले भन्सारको मूल्यांकन प्रक्रियामा देखिएका समस्याहरू औंल्याउँदै कारोबार मूल्यलाई प्राथमिकता दिँदा राजस्व संकलन वृद्धि गर्न सकिने धारणा राखेका थिए ।

अर्थसचिव रामप्रसाद घिमिरेले सरकार र निजी क्षेत्रको सहकार्यद्वारा नीति सुधारलाई प्रभावकारी बनाउनु पर्नेमा जोड दिँदै वर्तमान नीति तथा कानूनी चुनौतीहरू समाधान र व्यापारमैत्री वातावरण निर्माणमा सरकार प्रतिबद्ध रहेको उल्लेख गरेका छन् ।

नेपाल चेम्बर अफकमर्सले यस्ता सम्मान कार्यक्रममार्फत भन्सार प्रशासनमा पारदर्शिता र दक्षता बढाउँदै आर्थिक वृद्धिमा योगदान पुर्याउने प्रतिबद्धता दोहो¥याएको छ ।