अब एआई गर्लफ्रेन्ड बनाउन सकिने, फ्लर्ट गर्नुका साथै सधै बफादार रहने

काठमाण्डौ । आर्टिफिसियल इन्टेलिजेन्स अर्थात एआईको नयाँ रूप लण्डन टेक वीकमा देखियो। ःमेटा लुप नामक स्टार्टअपले ःएआई साथीको रूपमा ‘मेओ’ प्रस्तुत गरेको छ। यसलाई एआई गर्लफ्रेन्डको रूपमा चित्रण गरिएको छ। मेओ एक्लोपनको सामना गर्न डिजाइन गरिएको दाबी गरिएको छ।  

यसले प्रयोगकर्ताहरूलाई भावनात्मक समर्थन प्रदान गर्न सक्छ। तर, मेओको सन्दर्भमा केही चिन्ताहरू पनि प्रकाशमा आएका छन्। सबैभन्दा ठूलो चिन्ता यसमा राखिएको जलनको भावना हो।  

एक रिपोर्टका अनुसार विज्ञहरुले विनम्र र वफादार साथीको रूपमा बढावा दिने स्थानमा त्यस्ता एआई मोडेलहरू ढाँचामा फिट नहुने बताएका छन् । मेटा लूपका संस्थापक हाओ जियाङले मेओलाई प्रयोगकर्ताहरूको आवश्यकता पूरा गर्न प्रोग्राम गरिएको बताए । यस्तै यसले आफ्ना प्रयोगकर्ताहरूलाई दुर्व्यवहार गर्न सक्ने र  वफादार रहने समेत उनले बताए ।  

यद्यपि, यसमा प्रोग्राम गरिएको ईर्ष्याको बारेमा प्रश्नहरू उठिरहेका छन्। हाओ जियाङले मेओले प्रयोगकर्ताले चाहेको बेला मात्र आफ्ना प्रयोगकर्ताहरूसँग फ्लर्ट गर्ने दाबी गरे। प्रयोगकर्ताले मेओ कति वफादार छ भनेर नियन्त्रण गर्न सक्ने समेत उनले बताए । स्टार्टअपले एआई गर्लफ्रेन्डले आफ्ना प्रयोगकर्ताहरूलाई कहिल्यै धोका नदिने समेत दाबी गरेका छन् ।  

यहाँ ध्यान दिनु पर्ने के छ भने यो भौतिक वस्तु होइन, यो एआईबाट उत्पन्न भएको वस्तु हो। आई मेओ च्याट एप मार्फत यससँग जोडिन सकिन्छ । द इन्डिपेन्डेन्टको रिपोर्टका अनुसार एआई मोडललाईृ एउटा सुन्दर र आकर्षक महिलाको रुपमा प्रस्तुत गरिएको छ । जसको सुनौलो कपाल, ठूला आँखाहरू र  भावनात्मक रूपमा जोडिन सक्ने क्षमता रहेको छ ।