(1).gif)
(2).gif)
.png)
काठमाण्डौ । पशुपतिनाथ मन्दिर क्षेत्रमा केही अराजक समूहले ढोकामा तोडफोड गर्न थालेपछि स्थिति नियन्त्रण गर्न नेपाली सेनाको टोली परिचालित भएको छ। सैनिक प्रवक्ता राजाराम बस्नेतले घटनास्थलमा सेनाको टोली पुगिसकेको पुष्टि गरेका छन्।
.gif)
जेन-जी आन्दोलनका अगुवाहरूले भने, साँझको प्रदर्शनमा केही बाहिरी तत्वले घुसपैठ गरेको देखिएको दाबी गरेका छन् । जेनजी आन्दोलनका एक अगुवाले भने, “हामी शान्तिपूर्ण रूपमा हाम्रो माग अघि बढाइरहेका थियौं, तर केही अराजक समूह मन्दिर क्षेत्रमा पुगे र अस्थिरता सिर्जना गरे। त्यहाँ लुटपाटको प्रयास भएको थियो, समयमै सेना आएर अनिष्ट हुन दिएन ।”
प्रदर्शनकारी अगुवाहरूले राष्ट्रपतिले आह्वान गरेको वार्तामा सहभागी भएर समस्याको समाधान खोज्ने प्रतिबद्धता व्यक्त गरेका छन्। उनीहरूले नयाँ परिस्थितिका बाबजुद सरकारी सम्पत्तिमा कुनै क्षति नपुर्याउन सबैलाई सचेत गराएका छन्। तर उनीहरुको आह्वानविपरीत काठमाण्डौका विभिन्न क्षेत्रमा रातिसम्म पनि जेनजी नाममा तोडफोड र आगजनी जारी राखिएको छ ।
.png)
.jpg)
.jpg)
