निवर्तमान गृहमन्त्री रमेश लेखकलाई मातृशोक

काठमाण्डौ । नेपाली कांग्रेसका नेता तथा पूर्वगृहमन्त्री रमेश लेखककी आमा शारदा लेखकको ८९ वर्षको उमेरमा निधन भएको छ।

पारिवारिक स्रोतका अनुसार उनी ह्याम्स अस्पतालमा उपचाररत रहँदा आज दिउँसो करिब ४ बजेतिर निधन भएको हो ।  

उनको अन्त्येष्टि आजै पशुपति आर्यघाटमा सम्पन्न हुँदैछ। लेखकसहित उनका परिवारका सदस्य अन्त्येष्टि कार्यक्रमका लागि आर्यघाट पुगेका छन्।

जेनजी आन्दोलनका क्रममा रमेश लेखकको घरमा आक्रमण हुँदा उनी बिरामी आमालाई छाडेर भागेको भिडियो सार्वजनिक भएको थियो । त्यसबेला आन्दोलनकारीहरुले बिरामी आमालाई बाहिर निकालेर लेखकको घरमा आगो लगाएका थिए ।