जीवन बीमकहरुले भित्र्याए रु.६२.२१ अर्ब प्रिमियम, सबैको व्यवसायमा ग्रोथ

काठमाण्डौ । जीवन बीमा कम्पनीहरुले सवा ६२ अर्ब रुपैयाँ प्रिमियम संकलन गरेका छन् । चालु आवको ४ महिनासम्ममा १४ जीवन बीमा कम्पनीहरुले ६२ अर्ब २१ करोड ८४ लाख रुपैयाँ प्रिमियम भित्र्याएका हुन् ।

यो रकम गत आवको सोही अवधिसम्मको तुलनामा १६.५३ प्रतिशत बढी हो । गत आवको कात्तिक मसान्तसम्म जीवन बीमा कम्पनीहरुले ५३ अर्ब ३९ करोड ३२ लाख रुपैयाँ प्रिमियम भित्र्याएका थिए ।

सो अवधिसम्म आइपुग्दा सबै बीमा कम्पनीहरुको व्यवसाय गत आवको तुलनामा उल्लेख्य बढेको छ । सबैभन्दा बढी प्रिमियम संकलन गर्ने कम्पनीमा नेपाल लाइफ इन्स्योरेन्स रहेको छ । कम्पनीले सो अवधिसम्ममा १७ र्अ ९२ लाख रुपैयाँ प्रिमियम भित्र्याएको छ, जुन गत आवको तुलनामा १०।३८ प्रतिशत बढी हो ।

त्यस्तै, नेशनल लाइफले ७ अर्ब ४७ करोड, एलआइसी नेपालको ६ अर्ब ४६ करोड, हिमालयन लाइफको ५ अर्ब ६४ करोड, राष्ट्रिय जीवन बीमा कम्पनीले ५ अर्ब ३ करोड, सूर्यज्योति लाइफले ३ अ र्ब ६४ करोड, एशियन लाइफले २ अर्ब ९९ करोड, सिटिजन लाइफले २ अर्ब ६६ करोड, सानिमा रिलायन्स लाइफले २ अर्ब २८ करोड, मेट लाइफले २ अर्ब ९ करोड, आइएमई लाइफले १ अर्ब ९४ करोड, रिलायबल नेपाल लाइफले १ अर्ब ८५ करोड, प्रभु महालक्ष्मी लाइफले १ अर्ब ८० करोड र सन नेपाल लाइफले १ अर्ब ३० करोड रुपैयाँ प्रिमियम संकलन गरेको छ ।

गत आवको तुलनामा सबैभन्दा बढी व्यवसाय ग्रोथ गर्ने कम्पनीमा राष्ट्रिय जीवन बीमा कम्पनी र आइएमई लाइफ रहेको छ । राष्ट्रिय जीवन बीमाले १८३.६६ प्रतिशत र आइएमई लाइफले २६.६८ प्रतिशतले व्यवसाय बढाएको छ ।