आज यी क्षेत्रमा चट्याङसहित मध्यम वर्षाको सम्भावना

काठमाण्डौ । आज मध्यान्हपछि देशका केही क्षेत्रमा मेघगर्जन र चट्याङसहित मध्यम  वर्षा र हिमपातको सम्भावना रहेको छ ।  

मौसम पूर्वानुमान महाशाखाका अनुसार आज दिउँसो देशका पहाडी र हिमाली भूभागमा साधारणतया बादल लाग्नेछ भने तराई भूभागमा आंशिक बादल लाग्नेछ ।

कोशी, बागमती र गण्डकी प्रदेशका पहाडी र हिमाली भूभागका केही स्थान तथा मधेस प्रदेशसहित कोशी प्रदेशका तराई भूभाग, लुम्बिनी, कर्णाली र सुदूरपश्चिम प्रदेशका पहाडी र हिमाली भूभागका एक–दुई स्थानमा मेघगर्जन र चट्याङसहित मध्यम  वर्षा र हिमपातको सम्भावना छ ।