प्रभु क्यापिटलको खुलामुखी योजनाले कमायो रु.२.५१ करोड नाफा, एसआइपीमा लगानी गर्दा उत्कृष्ट रिटर्नको सम्भावना

काठमाण्डौ । प्रभु क्यापिटल लिमिटेडद्वारा संचालित खुलामुखी योजना ‘प्रभु सिस्टमेटिक इन्भेष्टमेन्ट स्किम’ले फागुन मसान्तसम्म २ करोड ५१ लाख ७० हजार रुपैयाँ खुद नाफा कमाएको छ ।  

यो नाफा अघिल्लो महिना अर्थात् माघको तुलनामा ६६७.३६ प्रतिशत बढी हो । माघमा क्यापिटलको यो फण्डले ३२ लाख ८० हजार रुपैयाँ नाफा कमाएको थियो ।  

प्रभु क्यापिटलद्वारा संचालित यो फण्डले सूचीकृत सेयर (सेयरबजार)मा ३६ करोड ९२ लाख ५४ हजा रुपैयाँ बराबरको लगानी गरेको छ । यो रकम अघिल्लो महिनाको तुलनामा १२.३८ प्रतिशत बढी हो ।  

माघमा यो फण्डले ३२ करोड ८५ लाख ७९ हजार रुपैयाँ बराबरको सेयरबजारमा लगानी गरेको थियो ।  

फागुन महिनामा यो खुलामुखी योजनाको डिबेञ्चर÷बण्डमा ५ लाख ५६ हजार रुपैयाँ बराबरको लगानी रहेको छ भने सार्वजनिक निष्कासन÷हकप्रद÷बोनस सेयरमा कुल १ करोड २८ लाख ४९ हजार रुपैयाँ बराबरको लगानी रहेको छ ।  

फण्डको बैंक मौज्दात ४ करोड ६० लाख ७९ हजार रुपैयाँ रहेको छ । अघिल्लो महिनामा भने बैंक मौज्दात ५ करोड १ लाख ८२ हजार रुपैयाँ रहेको थियो । साथै फण्डको अन्य सम्पत्ति १० हजार ५५२ रुपैयाँ रहेको छ ।  

३ करोड ९८ लाख ५८  हजार ८०२ इकाई रहेको यो फण्डको फागुन महिनामा प्रतिइकाई खुद सम्पत्ति मूल्य (न्याभ) १०.६८ रुपैयाँ पुगेको छ । अघिल्लो महिनामा फण्डको न्याभ १०.१३ रुपैयाँ थियो ।  

समग्रमा प्रभु क्यापिटलको यो खुलामुखी योजनाले आफ्नो वित्तीय अवस्थामा उल्लेख्य सुधार ल्याएको छ । धितोपत्र ऐन, २०६३ तथा सामुहिक लगानी कोष नियमावली २०६७, बमोजिम नेपाल धितोपत्र बोर्डबाट २०८१ चैत २८ गते यो योजना संचालन गर्न अनुमति पाएको थियो ।  

प्रभु क्यापिटलका यसबाहेक दुईवटा बन्दमुखी योजनाहरु पनि सञ्चालनमा छन् । जुन प्रभु सेलेक्टिभ फण्ड र प्रभु स्मार्ट फण्ड रहेका छन् । क्यापिटलले एक वर्षअगाडी यो खुलामुखी योजना संचालनमा ल्याएको हो ।  

यस फण्डमा लगानी गर्न चाहाने इकाईधनी तथा लगानीकर्ताहरुले क्यापिटलद्वारा संचालित सिस्टमेटिक इन्भेष्टमेन्ट प्लान (एसआइपी)मार्फत पनि लगानी गर्न सकिने कम्पनीले जनाएको छ ।

एसआइपीमार्फत लगानी गर्दा के फाइदा ?  

प्रभु क्यापिटलको यो खुलाखुखी योजनामा लगानी गर्न एसआइपीमार्फत जोडिन सकिनेछ । मासिक न्यूनतम एक हजार रुपैयाँदेखि लगानी गरेर यस एसआइपीमा लगानी गर्न सकिनेछ ।  

क्यापिटलको यो योजनामा लगानी गर्दा दीर्घकालिन प्रतिफल राम्रो पाइन सकिने सम्भावना रहन्छ । यदि फण्डले यसरी नै आफ्नो लगानी विस्तार गरी उल्लेख्य नाफा कमाउँदै जाने हो भने एसआइपीमा लगानी गर्ने लगानीकर्तालाई वार्षिक उत्कृष्ट रिटर्न दिन सक्नेछ ।  

अहिले सेयरबजारमा उतारचढाव देखिदा एसआइपीतर्फ लगानीकर्ताहरुको क्रेज बढ्दै गएको छ । अन्य सेक्टरको तुलनामा लगानी सुरक्षित र प्रतिफलको ग्यारेन्टी  हुने भएकाले एसआइपीमा आकर्षण बढ्दै गएको देखिन्छ ।  

प्रभु क्यापिटलले संचालन गरेको ‘प्रभु सिस्टमेटिक इन्भेष्टमेन्ट स्किम’ विशेषगरी दीर्घकालिन लगानीकर्तालाई लक्षित गरेर ल्याइएको योजना हो । यसमा लगानी गर्दा सानो रकमबाट ठूलो धन निर्माण गर्न सकिने सम्भावना रहन्छ । नियमित सानो लगानीले समयसँगै ठूलो पूँजी बनाउन मद्दत गर्नेछ ।