(2).gif)
(1).gif)
(3).gif)
.png)
काठमाण्डौ । चैत महिनामा घरजग्गा कारोबार घटेको छ । चालु आर्थिक वर्षको तेस्रो त्रैमाससम्ममा घरजग्गा कारोबार २.७१ प्रतिशतले घटेको हो । भूमि व्यवस्थापन तथा अभिलेख विभागले सार्वजनिक गरेको तथ्याङ्क अनुसार चालु आवको ९ महिनामा देशभरका मालपोत कार्यालयबाट ४९ हजार ६१२ वटा घरजग्गा कारोबार भएको छ ।
गत फागुन महिना भने ५० हजार ९९८ वटा घरजग्गा किनबेच भएको थियो ।
विभागको तथ्याङ्क अनुसार चैतमा ४९ हजार घरजग्गा लिखित पारित हुँदा ३८ हजार ७४० वटा घरजग्गाको रोक्का र २९ हजार १५२ वटा घरजग्गाको फुकुवा भएको छ । यो अवधिमा १७ वटा अपार्टमेन्टको लिखित पारित भएको तथ्यांकमा देखिएको छ ।
यो अवधिमा सबैभन्दा धेरै कारोबार सुनसरीमा भएको छ । चैतमा इनरुवा मालपोत कार्यालयबाट २ हजार ८२ लिखत पारित भएको छ । फागुनमा भने यो कार्यालयबाट २००६ लिखित पारित भएको थियो ।
त्यस्तै भद्रपुर मालपोत कार्यालयबाट १ हजार ८३५,जनकपुरबाट १ हजार ८२३,मोरङ १ हजार ७९९ र राजविराजबाट १ हजार ३०२ लिखत पारित भएको विभागले जनाएको छ ।
काठमाण्डौ उपत्यकामा भने ललितपुरको लगनखेल मालपोत कार्यालयबाट सबैभन्दा धेरै लिखत पारित भएको छ । यो कार्यालयबाट १ हजार २ वटा लिखित पारित भएको छ । त्यसपछि भक्तपुरबाट ९६९ वटा र कलंकी काठमाण्डौबाट ७३१ वटा लिखित पारित भएको छ ।
चैतमा देशभरका मालपोत कार्यालयबाट ४ अर्ब ३१ करोड रुपैयाँबराबरको राजश्व संकलन भएको छ । फागुनमा भने कुल ३ अर्ब ९५ करोड रुपैयाँ राजश्व संकलन भएको थियो ।
चैत महिनामा लगनखेल मालपोत कार्यालयबाट सबैभन्दा धेरै राजश्व संकलन भएको छ । यो अवधिमा लगनखेल मालपोत कार्यालयबाट ४२ करोड ८६ लाख रुपैयाँबराबरको राजश्व संकलन भएको छ ।
(1).gif)
(3).gif)
.png)
.gif)
.jpg)
.jpg)
.jpg)
.jpg)
